قطع تعلّقی اور عداوت کی ممانعت

بِسْمِ اللّٰهِ الرَّحْمٰنِ الرَّحِیْمِ

صادق و امین رسولِ کریم ﷺ نے فرمایا : ’’ ہر جمعے (سات دنوں میں) لوگوں کے اعمال دو مرتبہ پیر اور جمعرات کے روز پیش کیے جاتے ہیں ، ہر بندہ مومن کو بخش دیا جاتا ہے ، البتہ اُس بندے کی مغفرت نہیں ہوتی جس کی اپنے بھائی کے ساتھ رنجش و عداوت ہو ، کہا جاتا ہے : ان دونوں کو چھوڑ دو حتٰی کہ وہ (عداوت ختم کرکے) رجوع کر لیں"۔

مشکوٰۃ 5030 (صحیح)

نمازِ عصر کی سنتوں کی فضیلت

بِسْمِ اللَّهِ الرَّحْمَنِ الرَّحِيم

ہمارے پیارے نبی حضرت محمد مصطفٰی ﷺ نے فرمایا : ’’ ﷲتعالٰی ، عصر سے پہلے چار رکعتیں پڑھنے والے شخص پر رحم فرمائے"۔

مشکوٰۃ 1170 (صحیح)

بوڑھے والدین سے حُسنِ سلوک کرو

بِسْمِ اللَّهِ الرَّحْمَنِ الرَّحِيم

ایک شخص رحمۃ للعالمین رسولِ کریم ﷺ کے پاس جہاد کی اجازت طلب کرنے کے لیے آیا تو آپ ﷺ نے فرمایا : ’’ کیا تمہارے والدین زندہ ہیں ؟‘‘ اس نے کہا : جی ہاں ، آپ ﷺ نے فرمایا : ’’ پھر ان ( کی خدمت کرنے) میں جہاد کرو ۔ ( اپنی جان اور مال کو انکی خدمت میں صرف کرو۔)

صحیح مسلم 6504 (صحیح)

مومن، مسلمان، مجاہد، مہاجر میں فرق

بِسْمِ اللَّهِ الرَّحْمَنِ الرَّحِيم

نبی کریم ﷺ نے حجۃ الوداع میں فرمایا : کیا میں تمہیں ’’ مومن ‘‘ کے متعلق نہ بتاؤں ؟ مؤمن وہ ہوتا ہے جس سے لوگوں کی جان و مال محفوظ ہو ، مسلمان وہ ہوتا ہے جس کی زبان اور ہاتھ سے دوسرے لوگ محفوظ ہوں ، مجاہد وہ ہوتا ہے جو ﷲﷻ کی اطاعت کے معاملے میں اپنے نفس سے جہاد کرے اور مہاجر وہ ہوتا ہے جو گناہوں اور لغزشات کو چھوڑ دے ۔

مسند احمد 24467 (صحیح)

نیک اور بُرے دوست کی مثال

بِسْمِ اللَّهِ الرَّحْمَنِ الرَّحِيم

رحمۃ للعالمین رسولِ کریم ﷺ نے فرمایا : " نیک اور بُرے دوست کی مثال مشک ساتھ رکھنے والے اور بھٹی دھونکنے والے کی سی ہے ( جسکے پاس مشک ہے اور تم اسکی محبت میں ہو ) وہ اس میں سے یا تمہیں کچھ تحفہ کے طور پر دے گا یا تم اس سے خرید سکوگے یا ( کم از کم ) تم اسکی عمدہ خوشبو سے تو محظوظ ہوہی سکوگے اور بھٹی دھونکنے والا یا تمہارے کپڑے ( بھٹی کی آگ سے ) جلا دے گا یا تمہیں اسکے پاس سے ایک ناگوار بدبودار دھواں پہنچے گا"۔

صحیح البخاری 5534 (صحیح)

عذاب قبر سے اللہ کی پناہ مانگو

بِسْمِ اللَّهِ الرَّحْمَنِ الرَّحِيم

رسول اللہ ﷺ کا ارشاد ہے : قبر آخرت کی پہلی منزل ہے ، اگر وہاں نجات مل گئی تو بعد کے سارے مراحل آسان ہوجائیں گے اور اگر وہاں نجات نہ ملی تو بعد کے سارے مراحل دشوار ہوجائیں گے اور نبی کریم ﷺ نے یہ بھی فرمایا ہے کہ میں نے جتنے بھی مناظر دیکھے ہیں ، قبر کا منظر ان سب سے ہولناک ہے"۔ 

مسند احمد 454 (صحیح)

نمازِ جمعہ چھوڑنے پر سخت وعید

بِسْمِ اللَّهِ الرَّحْمَنِ الرَّحِيم

نبي رحمت ﷺ نے منبر کی سیڑھیوں پر کھڑے ہوکر فرمایا : ’’ لوگ جمعہ چھوڑنے سے باز آجائیں ورنہ اللہ تعالٰی انکے دلوں پر مہر لگا دے گا اور وہ یقینی طور پر غافلین میں سے ہوجائیں گے"۔ 

سنن النسائی 1171 (صحیح)

ہمسائے کے حقوق

بِسْمِ اللَّهِ الرَّحْمَنِ الرَّحِيم

  ام المومنین سیدہ عائشہ‬ رضی اللہ عنہا فرماتی ہیں: میں نے عرض کیا : اے اللہ کے رسول ﷺ ! میرے دو ہمسائے ہیں ۔ میں ( احسان کرنے میں ) کس سے ابتدا کروں ؟ آپ ﷺ نے فرمایا : ’’ جس کا دروازہ زیادہ قریب ہو"۔

سنن ابوداؤد 5155 (صحیح)

غیبت کرنے والوں کا بُرا انجام

بِسْمِ اللَّهِ الرَّحْمَنِ الرَّحِيم

مُخبرِ صادق رسولِ کریم ﷺ نے فرمایا : ’’ جب مجھے معراج کرائی گئی تو میرا گزر ایک ایسی قوم پر ہوا جن کے ناخن تانبے کے تھے جو اپنے چہروں اور سینوں کو چھیل رہے تھے ۔ میں نے پوچھا : اے جبریل ! یہ کون لوگ ہیں ؟ انہوں نے کہا : یہ وہ ہیں جو دوسرے لوگوں کا گوشت کھاتے ( غیبت کرتے) اور انکی عزتوں سے کھیلتے ہیں

سنن ابوداؤد 4878 (صحیح)

حسد وبغض وعداوت - نیکیاں ضائع

بِسْمِ اللَّهِ الرَّحْمَنِ الرَّحِيم

صادق و امین رسولِ کریم ﷺ نے فرمایا: ’’ سابقہ امتوں کی بیماری (غیر محسوس طریقے سے) تمہاری طرٖف منتقل ہوگئی ہے، حسد اور بغض و عداوت، اور وہ نیکیوں کو زائل کرنے والی ہے، میں یہ نہیں کہہ رہا کہ وہ (بیماری) بال مونڈتی ہے بلکہ وہ دین کو ختم کردیتی ہے۔

مشکوٰۃ 5039(صحیح)

باوضو ذکر کرکے سونے کی فضیلت

بِسْمِ اللّٰهِ الرَّحْمٰنِ الرَّحِیْمِ

صادق و امین رسولِ کریم ﷺ نے فرمایا : " جو مسلمان باوضو ہوکر ﷲﷻ کا ذکر کرتے ہوئے رات کو سوتا ہے، پھر رات کے کسی حصے میں بیدار ہوکر اللہ تعالٰی سے دنیا و آخرت کی جس خیر کا بھی سوال کرتا ہے ، اللہ اسے وہ ضرور عطاء فرماتا ہے"۔

مسند احمد 22465 (صحیح)

خلع / طلاق کے مکروہ ہونے کا بیان

بِسْمِ اللّٰهِ الرَّحْمٰنِ الرَّحِیْمِ

ہمارے پیارے نبی حضرت محمد مصطفٰی ﷺ نے فرمایا : ’’ حلال کاموں میں سے ﷲﷻ کے نزدیک سب سے زیادہ ناپسندیدہ کام طلاق ہے"۔

مشکوٰۃ 3280 (صحیح)

ﷲﷻ کا ذکر کرنےکی اہمیت

بِسْمِ اللّٰهِ الرَّحْمٰنِ الرَّحِیْمِ

خَاتَمِ النَّبِیِّیْن رسولِ کریم ﷺ نے فرمایا : ’’ وہ شخص جو اپنے رب کا ذکر کرتا ہے وہ زندہ کی طرح ہے اور وہ شخص جو ذکر نہیں کرتا مردہ کی طرح ہے۔

مشکوٰۃ 2263 (متفق علیہ)

نماز - قیامت کے دن پہلا سوال

بِسْمِ اللّٰهِ الرَّحْمٰنِ الرَّحِیْمِ

 

صادق و امین رسولِ کریم ﷺ نے فرمایا: ’’ تحقیق قیامت کے دن سب سے پہلے بندے سے جس چیز کا حساب ہوگا وہ اسکی نماز ہوگی۔ اگر وہ مکمل پائی گئی تو مکمل لکھی جائے گی اور اگر اس میں کچھ کمی ہوئی تو ﷲﷻ فرمائے گا : دیکھو ! کیا تم اس کے لیے کچھ نفل پاتے ہو جسکے ساتھ اسکے ضائع کردہ فرض کی کمی پوری کر دی جائے ۔ پھر باقی اعمال بھی اسی کے مطابق جاری ہوں گے"۔

سنن النسائی 467 (صحیح)

کون سا انسان افضل ھے؟

بِسْمِ اللّٰهِ الرَّحْمٰنِ الرَّحِیْمِ

 

رسول اللہ ﷺ سے سوال کیا گیا۔ کون سا آدمی افضل ہے ؟ آپ ﷺ نے فرمایا :’’ ہر صاف دل والا ، سچی زبان والا ۔‘‘ صحابہ کرام ؓ نے عرض کیا سچی زبان والا تو ہم جانتے ہیں، صاف دل والا کون ہوتا ہے ؟ آپ ﷺ نے فرمایا : ’’ پرہیزگار ، پاک باز ، جس ( کے دل ) میں نہ کوئی گناہ ہو ، نہ زیادتی ، نہ کینہ ، نہ حسد"۔

سنن ابنِ ماجہ 4216 (صحیح)

محمد ﷺ کی محبت کا بیان

بِسْمِ اللّٰهِ الرَّحْمٰنِ الرَّحِیْمِ

ہم نبی کریمﷺ کے ساتھ تھے اور آپ عمر بن خطاب ؓ کا ہاتھ پکڑے ہوئے تھے۔ حضرت عمر ؓ نے عرض کیا: یارسول اللہﷺ ! آپ مجھے ہر چیز سے زیادہ عزیز ہیں، سوا میری اپنی جان کے۔ نبی کریمﷺ نے فرمایا کہ نہیں، اس ذات کی قسم جس کے ہاتھ میں میری جان ہے( ایمان اس وقت تک مکمل نہیں ہو سکتا) جب تک میں تمہیں تمہاری اپنی جان سے بھی زیادہ عزیز نہ ہوجاؤں۔ حضرت عمر ؓ نے عرض کیا: پھر واللہ! اب آپﷺ مجھے میری اپنی جان سے بھی زیادہ عزیز ہیں۔ نبی کریم ﷺ نے فرمایا کہ ہاں، عمر ؓ! اب تیرا ایمان پورا ہوا۔

صحیح البخاری 6632 (صحیح)

(فِدَاکَ اَبِیْ وَ اُمِّیْ وَ رُوْحِیْ وَ نَفسِی وَ قَلْبِیْ یَا سَیِّدِیْ یَا رَسُوْلَ اللّٰهﷺ)

قناعت اور شُکر کرنے کا نسخہ

بِسْمِ اللّٰهِ الرَّحْمٰنِ الرَّحِیْمِ

 

ہمارے پیارے نبی حضرت محمد مصطفٰی ﷺ نے فرمایا : ’’ ( دنیا میں ) اپنے سے نیچے والے ( کم مال ) کو دیکھو ، اپنے سے اوپر والے کو نہ دیکھو ، اس سے یہ ہوگا کہ تم ﷲﷻ کی نعمت کو حقیر نہ سمجھو گے"۔

سنن ابنِ ماجہ 4142 (صحیح)

جادو کرنے، کرانے کی سخت ممانعت

بِسْمِ اللّٰهِ الرَّحْمٰنِ الرَّحِیْمِ

صادق و امین رسول کریم ﷺ نے فرمایا : ” تباہ کر دینے والی چیز اللہ کے ساتھ شرک کرنا ہے اس سے بچو اور جادو کرنے کرانے سے بھی بچو ۔

صحیح البخاری 5764 (صحیح)

اچھے اور بُرے حکمرانوں کی پہچان

بِسْمِ اللّٰهِ الرَّحْمٰنِ الرَّحِیْمِ

 نبي رحمت ﷺ نے فرمایا : ” کیا میں تمہیں تمہارے اچھے حکمرانوں اور بُرے حکمرانوں کے بارے میں نہ بتا دوں؟ اچھے حکمران وہ ہیں جن سے تم محبت کرو گے اور وہ تم سے محبت کریں گے، تم ان کے لیے دعائیں کرو گے اور وہ تمہارے لیے دعائیں کریں گے، تمہارے بُرے حکمران وہ ہیں جن سے تم نفرت کرو گے اور وہ تم سے نفرت کریں گے تم ان پر لعنت بھیجو گے اور وہ تم پر لعنت بھیجیں گے"۔

جامع الترمذی 2264 (صحیح)

تمام ضروریات ﷲﷻ سے ہی مانگو

بِسْمِ اللّٰهِ الرَّحْمٰنِ الرَّحِیْمِ

تاجدارِ کائنات حضرت محمد مصطفٰی ﷺ نے فرمایا : ’’ تم میں سے ہر شخص کو اپنی تمام ضرورتیں اپنے رب سے مانگنی چاہئیں حتٰی کہ جب اسکے جوتے کا تسمہ ٹوٹ جائے تو اسکے بارے میں بھی اسی سے سوال کرنا چاہیے"۔

مشکوة 2251 (صحیح)

نمازِ جمعہ کے لیے غسل کرلو

بِسْمِ اللّٰهِ الرَّحْمٰنِ الرَّحِیْمِ

تم میں سے جب کوئی شخص جمعہ کی نماز کے لیے آنا چاہے تو اسے غسل کر لینا چاہیے ۔

صحیح البخاری 877 (صحیح)

قرآنِ پاک کی تلاوت کیا کرو

بِسْمِ اللّٰهِ الرَّحْمٰنِ الرَّحِیْمِ

رحمۃ للعالمین رسولِ کریم ﷺ نے فرمایا : قرآنِ کریم کی تلاوت کیا کرو کیونکہ یہ قیامت کے دن اپنے پڑھنے والوں کی سفارش کرے گا، دو روشن سورتیں یعنی سورہ بقرہ اور آلِ عمران کی تلاوت کیا کرو، کیونکہ یہ دونوں سورتیں قیامت کے دن سائبانوں کی شکل یا پرندوں کی دو صف بستہ ٹولیوں کی شکل میں آئیں گی اور اپنے پڑھنے والوں کا دفاع کریں گی، پھر فرمایا سورہ بقرہ کی تلاوت کیا کرو کیونکہ اس کا حاصل کرنا برکت ، اور چھوڑنا حسرت ہے اور باطل ( جادوگر ) اس کی طاقت نہیں رکھتے"۔

مسند احمد 22566 (صحیح)

پورے یقین کے ساتھ دُعا مانگو

بِسْمِ اللّٰهِ الرَّحْمٰنِ الرَّحِیْمِ

صادق و امین رسول کریم ﷺ نے فرمایا : ” تم میں سے کوئی شخص اس طرح نہ کہے کہ ’’ یا اللہ ! اگر تو چاہے تو مجھے معاف کر دے ، میری مغفرت کر دے ۔‘‘ بلکہ یقین کے ساتھ دُعا کرے کیونکہ اللہ پر کوئی زبردستی کرنے والا نہیں ہے ۔ 

صحیح البخاری 6339 (صحیح)

نمازِ جنازہ اور میت کیلئے شفاعت

بِسْمِ اللّٰهِ الرَّحْمٰنِ الرَّحِیْمِ

مالک بن ہبیرہ ؓ جب نمازِ جنازہ پڑھتے اور لوگ کم ہوتے تو انکی تین صفیں بنا دیتے، پھر کہتے کہ رسول اللہ صلی اللہ علیہ وسلم نے فرمایا ہے: ”جسکی نمازِ جنازہ تین صفوں نے پڑھی تو اس نے ( جنت ) واجب کرلی“۔

جامع الترمذی 1028 (صحیح)

غیر موجودگی میں دُعا دینے کا اجر

بِسْمِ اللّٰهِ الرَّحْمٰنِ الرَّحِیْمِ

مخبرِ صادق رسولِ کریم ﷺ نے فرمایا :’’ جب کوئی شخص اپنے بھائی کے لیے غائبانہ ( اسکی غیر موجودگی میں ) دُعا کرتا ہے تو فرشتے کہتے ہیں ’’ آمین ‘‘ ( اے اللہ ! قبول فرما ) اور تجھے بھی یہی کچھ حاصل ہو"۔ 

سنن ابوداؤد 1534 (صحیح)

جو اللہ نے دیا ہے اس پر راضی رہو

بِسْمِ اللّٰهِ الرَّحْمٰنِ الرَّحِیْمِ

 صادق و امین رسول کریم ﷺ نے فرمایا: ﷲﷻ نے اپنے بندے کو جو کچھ دے رکھا ہوتا ہے ، وہ اس میں اس کا امتحان لیتا ہے ، سو جو شخص اللہ کی تقسیم پر راضی ہوجائے ، اللہ اسے برکت اور وسعت دے دیتا ہے اور جو راضی نہ ہو ، اس کو برکت نہیں ملتی"۔

مسند احمد 20545 (صحیح)

میت کی تعریف یا بُرائی کا مطلب

بِسْمِ اللّٰهِ الرَّحْمٰنِ الرَّحِیْمِ

صحابہ کرام ؓ کا گزر ایک جنازہ پر ہوا، لوگ اُسکی تعریف کرنے لگے ( اچھا انسان تھا ) تو رسول اللہ ﷺ نے یہ سن کر فرمایا کہ واجب ہوگئی۔ پھر دوسرے جنازے کا گزر ہوا تو لوگ اسکی برائی کرنے لگے آنحضور ﷺ نے پھر فرمایا کہ واجب ہوگئی ۔ اس پر حضرت عمر ؓ نے پوچھا کہ کیا چیز واجب ہوگئی؟ رسولِ کریم ﷺ نے فرمایا کہ جس میت کی تم لوگوں نے تعریف کی ہے اسکے لیے تو جنت واجب ہوگئی اور جسکی تم نے برائی کی ہے اسکے لیے دوزخ واجب ہوگئی ۔ تم لوگ زمین میں اللہ تعالٰی کے گواہ ہو"۔

صحیح البخاری 1367 (صحیح)

نمازِ جمعہ کیلئے اچھی تیاری کرو

بِسْمِ اللّٰهِ الرَّحْمٰنِ الرَّحِیْمِ

 

نبی کریم ﷺ نے فرمایا: جو شخص جمعہ کے دن غسل کرے اور خوب اچھی طرح سے پاکی حاصل کرے اور تیل استعمال کرے یا گھر میں جو خوشبو میسر ہو استعمال کرے پھر نماز جمعہ کیلئے نکلے اور مسجد میں پہنچ کر دو آدمیوں کے درمیان نہ گھسے، پھر جتنی ہوسکے نفل نماز پڑھے اور جب امام خطبہ شروع کرے تو خاموش سنتا رہے تو اسکے اس جمعہ سے لے کر دوسرے جمعہ تک سارے گناہ معاف کردیئے جاتے ہیں"۔

صحیح البخاری 883 (صحیح)

موت کا وقت اور توبہ کا بیان

بِسْمِ اللّٰهِ الرَّحْمٰنِ الرَّحِیْمِ

رحمۃ للعالمین رسولِ کریم ﷺ نے فرمایا: ” ﷲﷻ اپنے بندے کی توبہ اس وقت تک قبول کرتا ہے جب تک کہ ( موت کے وقت ) اسکے گلے سے خر خر کی آواز نہ آنے لگے“۔

جامع الترمذی 3537 (صحیح)

مُسکرا کر ملنا بھی صدقہ ھے

بِسْمِ اللّٰهِ الرَّحْمٰنِ الرَّحِیْمِ

نبي رحمت ﷺ نے فرمایا: " تم اپنے بھائی سے مسکرا کر ملو تو یہ بھی تمہارے لئے صدقہ ہے اور تم نیکی کا حکم کرو برائی سے روکو یہ بھی تمہارے لئے صدقہ ہے اور بھٹکے ہوئے کو راستہ بتاؤ یہ بھی تمہارے لئے صدقہ ہے اور کسی نابینا کو راستہ دکھاؤ یہ بھی تمہارے لئے صدقہ ہے اور راستے سے پتھر، کانٹا اور ہڈی ہٹاؤ تو یہ بھی تمہارے لئے صدقہ ہے۔ اور تم اپنے ڈول سے اپنے بھائی کے ڈول میں پانی ڈالو تو یہ بھی تمہارے لئے صدقہ ہے

السلسلۃ 323 (صحیح)

دوست بنانے میں بہت احتیاط کرو

بِسْمِ اللّٰهِ الرَّحْمٰنِ الرَّحِیْمِ

مُحسنِ انسانیت سرورِ کائنات حضرت محمد مصطفٰی ﷺ نے فرمایا: انسان اپنے محبوب ساتھی کے دین پر ہوتا ہے، تو تمہیں چاہیے کہ غور کرو کہ کس سے دوستی کر رہے ہو۔  

سنن ابوداؤد 4833 (صحیح)

نماز کی اہمیت وفضیلت

بِسْمِ اللّٰهِ الرَّحْمٰنِ الرَّحِیْمِ

ہمارے پیارے نبی حضرت محمد مصطفٰی ﷺ نے فرمایا : ’’ بندے اور کفر کے درمیان صرف نماز چھوڑنے کا فرق ہے"۔

سنن النسائی 465 (صحیح)

بیٹیوں کی پرورش پر جنت کی بشارت

بِسْمِ اللّٰهِ الرَّحْمٰنِ الرَّحِیْمِ

رحمۃ للعالمین رسولِ کریم ﷺ ‌نے فرمایا: جس شخص کی تین بیٹیاں ہوں جنہیں وہ رہائش/ ٹھکانا دے ، کفالت کرے ،اور ان پر رحم کرے، اسکے لئے لازمی طور پر جنت واجب ہوگئی، لوگوں میں سے ایک آدمی نے کہا:اے اللہ کے رسول ﷺ ! اور دو بیٹیاں ہوں تو، آپ ﷺ نے فرمایا: اور دو بیٹیاں ہوں تب بھی۔

السلسلۃ 1994 (صحیح)

جوتا یا چپل پہنے کا سنت طریقہ

بِسْمِ اللّٰهِ الرَّحْمٰنِ الرَّحِیْمِ

صادق و امین رسول کریم ﷺ نے فرمایا : ’’جب تم میں سے کوئی جوتا پہنے تو دائیں ( طرف ) سے ابتدا کرے اور جب اتارے تو بائیں سے شروع کرے ، دایاں( سیدھا) پاؤں پہننے میں پہلے اور اتارنے میں آخری ہونا چاہیے"۔ 

سنن ابوداؤد 4139 (صحیح)

نمازِ جمعہ کیلئے اچھی تیاری کرو

بِسْمِ اللّٰهِ الرَّحْمٰنِ الرَّحِیْمِ

رحمۃ للعالمین رسولِ کریم ﷺ نے فرمایا : ’’ جو شخص جمعے کے دن اچھی طرح غُسل کرے ، اچھی طرح سنوار کر وضو کرے ، اپنا بہترین لباس پہنے اور ﷲﷻ نے اسکی قسمت میں گھر اور والوں کی، جو خوشبو لکھی ہو وہ لگا لے ، پھر جمعہ پڑھنے آئے تو فضول حرکات نہ کرے اور دو آدمیوں کے درمیان جدائی نہ کرے ( اکٹھے بیٹھے ہوئے دو آدمیوں کے درمیان نہ بیٹھے ) تو اسکے اِس جمعے اور دُوسرے جمعے کے درمیان کے ( پورے ہفتے کے ) گناہ معاف کر دیے جاتے ہیں"۔

سنن ابنِ ماجہ 1097 (صحیح)

بائیں ہاتھ سے کھانے، پینے کی ممانعت

بِسْمِ اللّٰهِ الرَّحْمٰنِ الرَّحِیْمِ

ہمارے پیارے نبی حضرت محمد مصطفٰی ﷺ نے فرمایا: ”جب تم میں سے کوئی کھائے تو دائیں (سیدھے) ہاتھ سے کھائے اور دائیں ہاتھ سے پیئے، اس لیے کہ شیطان اپنے بائیں ( الٹے ) ہاتھ سے کھاتا ہے اور بائیں ہاتھ سے پیتا ہے“۔ 

جامع الترمذی 1800 (صحیح)

زبان کی حفاظت کا بیان

بِسْمِ اللّٰهِ الرَّحْمٰنِ الرَّحِیْمِ

’’ جب ابن آدم صبح کرتا ہے تو سارے اعضاء زبان سے درخواست کرتے ہیں کہ ہمارے (حقوق کے تحفظ کے) بارے میں ﷲﷻ سے ڈرنا ، کیونکہ ہم تیرے رحم و کرم پر ہیں ، اگر تو سیدھی رہی تو ہم بھی سیدھے رہیں گے اور اگر تو ٹیڑھی ہوگئی تو ہم بھی ٹیڑھے ہوجائیں گے"۔

مشکوٰۃ 4838 (صحیح)

شراب سے متعلق دس افراد پر لعنت

بِسْمِ اللّٰهِ الرَّحْمٰنِ الرَّحِیْمِ

صادق و امین رسولِ کریم ﷺ نے شراب سے متعلق دس قسم کے افراد پر لعنت فرمائی : " اسکے بنانے والے ، اسکے بنوانے والے ، اسکے پینے والے ، اسے اٹھانے والے ، جسکے پاس لے جائی جائے ، اسکے پلانے والے ، اسے بیچنے والے ، اسکی قیمت کھانے والے ، اسے خریدنے والے اور جس کے لیے خریدی جائے"۔

مشکوٰۃ 3776 (صحیح)

حُسنِ سلوک اور شفقت کا حکم

بِسْمِ اللّٰهِ الرَّحْمٰنِ الرَّحِیْمِ

ہمارے پیارے نبی حضرت محمد مصطفٰی ﷺ نے فرمایا : ’’ اس ذات کی قسم جس کے ہاتھ میں میری جان ہے ! کوئی بندہ اس وقت تک مومن نہیں ہوسکتا جب تک وہ اپنے بھائی ( یا ہمسایہ ) کے لیے وہی چیز پسند نہ کرے جو وہ اپنے لیے پسند کرتا ہے"۔

مشکوٰۃ 4961 (متفق علیہ)

توبہ واستغفار کرنے میں دیر مت کرو

بِسْمِ اللّٰهِ الرَّحْمٰنِ الرَّحِیْمِ

رحمۃ للعالمین رسولِ کریم ﷺ نے فرمایا : جب کسی مسلمان سے کوئی گناہ سرزد ہوتا ہے تو اسکے دل پر ایک سیاہ دھبہ پڑ جاتا ہے، اگر وہ توبہ و استغفار کرلے تو اس کا دل پھر سے صاف روشن ہو جاتا ہے، ورنہ جتنے گناہ بڑھتے جاتے ہیں اتنے ہی سیاہ دھبے بڑھتے جاتے ہیں، حتّیٰ کہ اسکے دل پر وہ زنگ چھا جاتا ہے جس کا ذکر اللہ نے قرآن کریم میں ان الفاظ کے ساتھ کیا ہے ۔ ﴿ كَلَّا ۖ بَلْ ۜ رَانَ عَلَىٰ قُلُوبِهِم مَّا كَانُوا يَكْسِبُونَ ﴾  یوں نہیں بلکہ انکے دلوں پر انکے اعمال کی وجہ سے زنگ چڑھ گیا ہے۔

مسند احمد 7939 (صحیح )

سود اور سود خوری کا انجام - ذلت

بِسْمِ اللّٰهِ الرَّحْمٰنِ الرَّحِیْمِ

مخبر صادق رسولِ کریم ﷺ نے فرمایا :  بے شک سود خواہ کتنا بھی زیادہ ہو جائے لیکن اس کا انجام فقرو ذلت ہے ۔

مشکوٰۃ 2827 (صحیح )

جمعہ کے دن سورة الکہف پڑھو

بِسْمِ اللّٰهِ الرَّحْمٰنِ الرَّحِیْمِ

صادق و امین رسول کریم ﷺ نے فرمایا : ’’ جو شخص جمعہ کے روز سورۃ الکہف پڑھتا ہے تو اُسکے لیے دو جمعوں کی درمیانی مدت کے لیے نُور چمکتا رہتا ہے"۔

مشکوٰۃ 2175 (صحیح )

ملازم کے ساتھ حُسنِ سلوک کا حکم

بِسْمِ اللّٰهِ الرَّحْمٰنِ الرَّحِیْمِ

رحمۃ للعالمین رسولِ کریم ﷺ نے فرمایا: جب تم میں سے کسی کا خادم کھانا لائے جس کی گرمی اور تکلیف اس نے برداشت کی ہو، اگر اسے کھانے کے لئے اپنے پاس نہ بٹھائے تو اسے ایک لقمہ ہی دے دے۔

السلسلۃ 19 (صحیح )

ایمان کا کمزور ترین درجہ

بِسْمِ اللّٰهِ الرَّحْمٰنِ الرَّحِیْمِ

ہمارے پیارے نبی حضرت محمد مصطفٰی ﷺ نے فرمایا : ’’ تم میں سے جو شخص بُرائی دیکھے تو وہ اسے اپنے ہاتھ سے بدل دے ، اگر وہ طاقت نہ رکھے تو پھر اپنی زبان سے ، اگر وہ (اسکی بھی) استطاعت نہ رکھے تو پھر اپنے دل سے (بدلنے کے لیے منصوبہ بندی کرے اور اس سے نفرت رکھے) ، اور یہ ایمان کا کمزور ترین درجہ ہے" ۔

مشکوة 5137 (صحیح )

منکرین حدیث کے لیے تنبیہ

بِسْمِ اللّٰهِ الرَّحْمٰنِ الرَّحِیْمِ

 صادق و امین رسول کریم ﷺ نے فرمایا : ’’ عنقریب ( ایسا زمانہ آنے والا ہے کہ ) آدمی اپنے تخت پر ٹیک لگائے بیٹھا ہوگا ، اسے میری کوئی حدیث سنائی جائے گی تو کہے گا : ہمارے اور تمہارے درمیان ( فیصلہ کرنے والی ) ﷲﷻ کی کتاب ( قرآن ) ہے ۔ ہمیں اس میں جو چیز حلال ملے گی ، اسے حلال مانیں گے ، اور جو چیز اس میں حرام پائیں گے ، ہم اسے حرام قرار دیں گے ۔ سن لو ! جو کچھ اللہ کے رسول ﷺ نے حرام قرار دیا ، وہ بھی اسی طرح حرام ہے جس طرح اللہ کا حرام کیا ہوا"۔ 

سنن ابن ماجہ 12 (صحیح )

توبہ کا دروازہ ہمیشہ کھلا ھے

بِسْمِ اللّٰهِ الرَّحْمٰنِ الرَّحِیْمِ

ایک شخص رسولِ کریمﷺ كے پاس آیا اور كہا: آپﷺ كا كیا خیال ہے، اگر ایک آدمی نے تمام گناہ كئے ہوں اور كوئی گناہ نہ چھوڑا ہو، اور اس نے اپنی کوئی خواہش نہ چھوڑی ہو تو كیا اس كے لئے توبہ ہے؟ آپﷺ ‌نے فرمایا: كیا تم مسلمان ہوگئے ہو؟ اس نے كہا:”اشہد ان لا الٰہ الا اللہ وحدہ لا شریك لہ وانك رسول اللہ“ آپﷺ نے فرمایا: ہاں، تم نیک كام كرو اور بُرے كام چھوڑ دو، اللہ ان تمام گناہوں كو تمہارے لئے نیكی بنادے گا۔ اس نے كہا: میرے دھوكے اور میری سركشیاں اور بدکاریاں بھی؟ آپ ﷺ نے فرمایا: ہاں، اس نے بے ساختہ كہا: اللہ اكبر اور اللہ اكبر كہتا ہوا نظروں سے اوجھل ہوگیا۔

السلسلۃ 3663 (صحیح )

دوران نماز اپنی نظریں نیچے رکھو

بِسْمِ اللّٰهِ الرَّحْمٰنِ الرَّحِیْمِ

مُخبرِ صادق رسولِ کریم ﷺ نے فرمایا : ’’ جب تم میں سے کوئی شخص نماز میں ہو تو اپنی نظر آسمان کی طرف نہ اٹھائے ( کہیں ایسا نہ ہو ) کہ وہ اچک لی جائے"۔

سنن النسائی 1195 (صحیح )

مرحومین کی طرف سے صدقہ وخیرات

بِسْمِ اللّٰهِ الرَّحْمٰنِ الرَّحِیْمِ

حضرت سعد بن عبادہ ؓ نے رسولِ کریم ﷺ سے پوچھا کہ انکی والدہ کا انتقال ہوگیا ہے۔ کیا اگر وہ انکی طرف سے خیرات کریں تو انہیں اس کا فائدہ پہنچے گا ؟ آپ ﷺ نے جواب دیا: " ہاں " ۔ اس پر ان صحابی ؓ نے کہا کہ میرا ایک میوہ کا باغ ہے اور میں آپ ﷺ کو گواہ بناتا ہوں کہ میں نے وہ انکی طرف سے صدقہ کر دیا۔

صحیح البخاری 2770 (صحیح )

نمازِ جمعہ چھوڑنے پر سخت وعید

بِسْمِ اللّٰهِ الرَّحْمٰنِ الرَّحِیْمِ

رسولِ کریم ﷺ نے منبر کی سیڑھیوں پر کھڑے ہوکر فرمایا :  لوگ جمعہ چھوڑنے سے باز آجائیں ورنہ اللہ تعالٰی انکے دلوں پر مہر لگا دے گا اور وہ یقینی طور پر غافلین میں سے ہو جائیں گے۔

سنن النسائی 1371 (صحیح )

دنیا کی محبت ہر بُرائی کی جڑ ھے

بِسْمِ اللّٰهِ الرَّحْمٰنِ الرَّحِیْمِ

مُخبرِ صادق حضرت محمد مصطفٰی ﷺ نے فرمایا: ”جب اللہ تعالٰی کسی بندے سے محبت کرتا ہے تو اسے دنیا سے اسی طرح بچاتا ہے، جس طرح تم میں سے کوئی آدمی اپنے بیمار کو پانی سے بچاتا ہے“۔ 

جامع الترمذی 2036 (صحیح )

جس سے اللہﷻ محبت کرتا ھے

بِسْمِ اللّٰهِ الرَّحْمٰنِ الرَّحِیْمِ

صادق و امین رسولِ کریم ﷺ نے فرمایا: ”جب اللہﷻ کسی بندہ سے محبت کرتا ہے تو جبریل ؑ کو آواز دیتا ہے کہ اللہ فلاں بندہ سے محبت کرتا ہے تم بھی اس سے محبت کرو ۔ جبریل ؑ بھی اس سے محبت کرنے لگتے ہیں ، پھر وہ تمام آسمان والوں میں آواز دیتے ہیں کہ اللہ فلاں بندے سے محبت کرتا ہے تم بھی اس سے محبت کرو ۔ پھر تمام آسمان والے اس سے محبت کرنے لگتے ہیں ۔ اسکے بعد وہ زمین میں بھی ( بندگان خدا کا ) مقبول اور محبوب بن جاتا ہے ۔

صحیح البخاری 6040 (صحیح )

سُود اور شراب کی تجارت حرام ھے

بِسْمِ اللّٰهِ الرَّحْمٰنِ الرَّحِیْمِ

جب سُود کی ( حرمت کی ) آیات اتریں تو رسول اللہ ﷺ منبر پر تشریف فرما ہوئے اور یہ آیات لوگوں کو پڑھ کر سنائیں، پھر آپ ﷺ نے شراب کی تجارت کو بھی حرام قرار دیا ۔ 

سنن النسائی 4669 (صحیح )

سونے سے پہلے مسنون عمل

بِسْمِ اللّٰهِ الرَّحْمٰنِ الرَّحِیْمِ

نبي رحمت ﷺ ہر رات جب اپنے بستر پر تشریف لاتے تو اپنی ہتھیلیاں جمع کرتے اور اُن پر سورہ اخلاص اور معوذتین (سورہ الفلق، سورہ الناس) پڑھ کر پھونکتے اور جہاں جہاں تک ممکن ہوتا اپنے جسم پر ان ہاتھوں کو پھیر لیتے اور سب سے پہلے اپنے سر اور چہرے اور سامنے کے جسم پر ہاتھ پھیرتے تھے اور تین مرتبہ اس طرح کرتے تھے۔

مسند احمد 25365 (صحیح )

آیت الکرسی پڑھنے کی فضیلت

بِسْمِ اللّٰهِ الرَّحْمٰنِ الرَّحِیْمِ

( مفصل حدیث اس سے پہلے کتاب الوکالۃ میں گزر چکی ہے )

"جب تم رات کو اپنے بستر پر سونے کے لیے جاؤ تو آیت الکرسی پڑھ لیا کرو ، پھر صبح تک اللہ تعالٰی کی طرف سے تمہاری حفاظت کرنے والا ایک فرشتہ مقرر ہوجائے گا اور شیطان تمہارے پاس بھی نہ آسکے گا"۔

صحیح البخاری 5010 (صحیح )

ریشم اور سونے کے بارے میں حکم

بِسْمِ اللّٰهِ الرَّحْمٰنِ الرَّحِیْمِ

صادق و امین رسولِ کریم ﷺ نے اپنے بائیں ہاتھ میں ریشم اور دائیں ہاتھ میں سونا لیا ، پھر دونوں ہاتھ بلند کرکے فرمایا : یہ دونوں چیزیں میری اُمت کے مـردوں پر حرام اور انکی عورتوں کے لیے حلال ہیں۔

سنن ابنِ ماجہ 3595 (صحیح )

جمعہ کے روز قبولیت کی گھڑی

بِسْمِ اللّٰهِ الرَّحْمٰنِ الرَّحِیْمِ

حضرت انس ؓ بیان کرتے ہیں رسول اللہ ﷺ نے فرمایا :  اس گھڑی کو تلاش کریں جس کے بارے میں امید کی جاتی ہے کہ وہ جمعہ کے روز بعد نمازِ عصر سے غروب آفتاب تک ہوتی ہے۔

مشکوٰۃ 1360 (صحیح )

جسکی سفارش کی اس سے تحفہ نہ لو

بِسْمِ اللّٰهِ الرَّحْمٰنِ الرَّحِیْمِ

نبی کریم ﷺ نے فرمایا :  جس نے اپنے کسی بھائی کی سفارش کی اور پھر اسے اس پر کوئی ہدیہ دیا ، تو اگر اس نے اسے قبول کر لیا تو ، وہ سود کے دروازوں میں سے ایک بڑے دروازے میں داخل ہوگیا۔

سنن ابوداؤد 3541 (صحیح )

سونے کے آداب کا بیان

بِسْمِ اللّٰهِ الرَّحْمٰنِ الرَّحِیْمِ

حضرت ابوذر ؓ بیان کرتے ہیں، نبی کریم ﷺ میرے پاس سے گزرے جبکہ میں اپنے پیٹ کے بل لیٹا ہوا تھا ۔ آپ ﷺ نے اپنے پاؤں سے مجھے چونکا مارا اور فرمایا :’’ جندب ! یہ تو جہنمیوں کا سا لیٹنا ہے"۔

مشکوٰۃ 4731 (صحیح )

جھوٹی بات پھیلانے کی سزا

بِسْمِ اللّٰهِ الرَّحْمٰنِ الرَّحِیْمِ

 نبیِ کریم ﷺ نے فرمایا :  میرے پاس گذشتہ رات خواب میں دو آدمی آئے انہوں نے کہا کہ جسے آپ ﷺ نے دیکھا کہ اس کا جبڑا چیرا جا رہا تھا وہ بڑا ہی جھوٹا تھا ، جو ایک بات کو لیتا اور ساری دنیا میں پھیلا دیتا تھا ، قیامت تک اس کو یہی سزا ملتی رہے گی۔

صحیح البخاری 6096 (صحیح )

ہر نماز کے بعد مسنون دُعا

بِسْمِ اللّٰهِ الرَّحْمٰنِ الرَّحِیْمِ

رسولِ اکرم ﷺ نے حضرت معاذ ؓ کا ہاتھ پکڑا اور فرمایا: ’’ اے معاذ ؓ ! اللہ کی قسم ! مجھے تم سے محبت ہے۔ پھر فرمایا: اے معاذ ؓ ! میں تمہیں وصیت کرتا ہوں کہ کسی نماز کے بعد یہ دُعا ہرگز ترک نہ کرنا

اللَّهُمَّ أَعِنِّي عَلَى ذِكْرِكَ وَشُكْرِكَ وَحُسْنِ عِبَادَتِكَ

اے اللہ ! اپنا ذکر کرنے، شُکر کرنے اور بہترین انداز میں اپنی عبادت کرنے میں میری مدد فرما"۔

سنن ابوداؤد 1522 (صحیح)

میت کو جلد دفنانے کی تلقین

بِسْمِ اللّٰهِ الرَّحْمٰنِ الرَّحِیْمِ

صادق و امین رسولِ کریم ﷺ نے فرمایا : ’’ جنازہ جلدی لے جایا کرو ، اگر تو وہ صالح ہے تو پھر تم اسے بھلائی کی طرف لے جارہے ہو ، اور اگر وہ اسکے علاوہ ہے تو پھر وہ ایک شر ہے جسے تم اپنی گردنوں سے اتار رہے ہو"۔

مشکوة 1646 (متفق علیہ)

امت محمد ﷺ کا فتنہ مال ھے

بِسْمِ اللّٰهِ الرَّحْمٰنِ الرَّحِیْمِ

صادق و امین رسول کریم ﷺ نے فرمایا : ” ہر امت کی آزمائش کسی نہ کسی چیز میں ہے اور میری امت کی آزمائش مال میں ہے"۔

جامع الترمذی 2336 (صحیح)

نمازِ جمعہ کی اہمیت وفضیلت

بِسْمِ اللّٰهِ الرَّحْمٰنِ الرَّحِیْمِ

رسول اللہ ﷺ نے فرمایا : ’’ جس نے جمعہ کے روز غسل کیا اور بہترین کپڑے زیب تن کیے اور خوشبو بھی لگائی اگر میسر ہو تو ، پھر جمعہ کے لیے آیا اور لوگوں کی گردنیں نہ پھلانگیں ، پھر ( نفلی تحیتہ المسجد) نماز پڑھی جو اسکے لیے مقدر کی گئی ، پھر خاموش رہا جب امام ( خطبے کے لیے ) نکلا ، حتیٰ کہ اپنی نماز ( جمعہ) سے فارغ ہوا تو یہ اسکے لیے اس جمعے اور سابقہ جمعے کے مابین ( صادر ہونے والے گناہوں ) کا کفارہ ہے۔

سنن ابوداؤد 343 (صحیح)

مریض کی عیادت کا اجر وثواب

بِسْمِ اللّٰهِ الرَّحْمٰنِ الرَّحِیْمِ

تاجدارِ کائنات حضرت محمد مصطفٰی ﷺ نے فرمایا : جو شخص کسی مریض کی عیادت کے لئے جاتا ہے گویا وہ جنت کے باغات میں چلتا ہے ، جب وہ بیمار کے پاس بیٹھتا ہے تو ﷲﷻ کی رحمت کے سمندر میں غوطے کھاتا ہے اور جب وہاں سے واپس روانہ ہوتا ہے تو اسکے لئے ستر ہزار فرشتے مقرر کر دیئے جاتے ہیں جو اس دن اسکے لئے بخشش کی دُعا مانگتے رہتے ہیں۔ 

مسند احمد 1166 (صحیح)

اچھا گمان رکھنےکی اہمیت

بِسْمِ اللّٰهِ الرَّحْمٰنِ الرَّحِیْمِ

رسول اللہ ﷺ نے فرمایا : اچھا گمان رکھنا حسن عبادت میں سے ہے۔

سنن ابوداؤد 4993 (صحیح)

جوتا پہننےکا سنت طریقہ

بِسْمِ اللّٰهِ الرَّحْمٰنِ الرَّحِیْمِ

رسولِ کریم ﷺ نے فرمایا :  جب تم میں سے کوئی جوتا پہنے تو دائیں ( طرف ) سے ابتدا کرے اور جب اتارے تو بائیں سے شروع کرے ، دایاں پاؤں پہننے میں پہلے اور اتارنے میں آخری ہونا چاہیے۔ 

سنن ابوداؤد 4139 (صحیح)

جھوٹی قسم پر سخت ترین وعید

بِسْمِ اللّٰهِ الرَّحْمٰنِ الرَّحِیْمِ

رسول اللہ ﷺ نے فرمایا : ’’ جس نے اپنی قسم کے ذریعے سے کسی مسلمان کا حق مارا ، ﷲﷻ نے اس کے لیے آگ واجب کر دی اور اس پر جنت حرام ٹھہرائی۔ ایک شخص نے آپ ﷺ سے عرض کیا : اگرچہ وہ معمولی سی چیز ہو ، اے اللہ کے رسول ﷺ ! آپ ﷺ نے فرمایا : ’’ چاہے وہ پیلو کے درخت کی ایک شاخ ہو ۔

صحیح مسلم 353 (صحیح)

سلام کرنے کا سنہری اصول

بِسْمِ اللّٰهِ الرَّحْمٰنِ الرَّحِیْمِ

صادق و امین رسولِ کریم ﷺ فرمایا : چھوٹا بڑے کو ، چلنے والا (کھڑا شخص) بیٹھے ہوئے کو اور قلیل ، کثیر کو سلام کریں۔

مشکوة 4633 (صحیح)

دائیں ہاتھ سےکھانے، پینے کا حکم

بِسْمِ اللّٰهِ الرَّحْمٰنِ الرَّحِیْمِ

صادق و امین رسولِ کریم ﷺ فرمایا : جب تم میں سے کوئی شخص کھانا کھائے تو اسے چاہیے کہ دائیں ہاتھ سے کھائے اور جب پیئے تو دائیں ہاتھ سے ، کیونکہ بائیں ہاتھ سے شیطان کھاتا پیتا ہے ۔

مسند احمد 4886 (صحیح)

نمازِ جمعہ کے لیے جلدی کرو

بِسْمِ اللّٰهِ الرَّحْمٰنِ الرَّحِیْمِ

  

نبی اکرم ﷺ فرمایا: جب جمعہ کا دن آتا ہے تو مساجد کے ہر دروازے پر فرشتے آجاتے ہیں اور پہلے دوسرے نمبر پر آنے والے نمازی کا ثواب لکھتے رہتے ہیں چنانچہ جمعہ کی نماز میں سب سے پہلے آنے والا اونٹ قربان کرنے والے کی طرح ثواب پاتا ہے، دوسرے نمبر پر آنے والا گائے ذبح کرنے والے کی طرح، تیسرے نمبر پر آنے والا مینڈھا قربان کرنے والے کی طرح ثواب پاتا ہے، پھر مرغی، پھر انڈہ صدقہ کرنے والے کا ثواب پاتا ہے، اور جب امام نکل آتا ہے اور منبر پر بیٹھ جاتا ہے تو وہ اپنے صحیفے لپیٹ کر ذکر سننے کے لئے بیٹھ جاتے ہیں ۔

مسند احمد 10654 (صحیح)

صاحبِ استطاعت کو حج کی تلقین

بِسْمِ اللّٰهِ الرَّحْمٰنِ الرَّحِیْمِ

 نبی رحمت ﷺ نے فرمایا : جس شخص کا حج کا ارادہ ہو ، اسے یہ ارادہ جلد پورا کر لینا چاہیے ، کیونکہ بعض اوقات سواری گم ہوجاتی ہے ، کبھی کوئی بیمار ہوجاتا ہے اور کبھی کوئی ضرورت آڑے آجاتی ہے ۔ 

مسند احمد 1833 (صحیح)

زبان ہر وقت ذکرِ الٰہی سے تر رہے

بِسْمِ اللّٰهِ الرَّحْمٰنِ الرَّحِیْمِ

دو دیہاتی آدمی نبی کریم ﷺ کی خدمت میں حاضر ہوئے اور ان میں سے ایک نے پوچھا اے محمد ﷺ ! سب سے بہترین آدمی کون ہے؟ نبی کریم ﷺ نے فرمایا: جس کی عمر لمبی ہو اور اس کا عمل اچھا ہو، دوسرے نے کہا کہ احکام اسلام تو بہت زیادہ ہیں، کوئی ایسی جامع بات بتا دیجئے جسے ہم مضبوطی سے تھام لیں؟ رسولِ کریم ﷺ نے فرمایا تمہاری زبان ہر وقت ذکرِ الٰہی سے تر رہے ۔ 

مسند احمد 17832(صحیح)

سخت دل کو نرم کرنے کا نسخہ

بِسْمِ اللّٰهِ الرَّحْمٰنِ الرَّحِیْمِ

ایک آدمی نے رسولِ کریم صلی اللّٰہ علیہ وسلم سے شکایت کی کہ اس کا دل بہت سخت ہے۔ آپ ﷺ نے اس سے فرمایا: اگر تم چاہتے ہو کہ تمہارا دل نرم ہو جائے تو مسکین کو کھانا کھلاؤ، اور یتیم کے سر پر ہاتھ پھیرو۔

السلسلۃ 281 (صحیح)

نمازِ فجر اور نمازِ عصر کی اہمیت

بِسْمِ اللّٰهِ الرَّحْمٰنِ الرَّحِیْمِ

 رسولِ کریم ﷺ نے فرمایا: رات اور دن میں فرشتوں کی ڈیوٹیاں بدلتی رہتی ہیں. فجر اور عصر کی نمازوں میں ( ڈیوٹی پر آنے والوں اور جانے والوں کا ) اجتماع ہوتا ہے۔ پھر تمہارے پاس رہنے والے فرشتے جب اوپر چڑھتے ہیں تو اللہ تعالٰی پوچھتا ہے حالانکہ وہ ان سے بہت زیادہ اپنے بندوں کے متعلق جانتا ہے، کہ میرے بندوں کو تم نے کس حال میں چھوڑا۔ وہ جواب دیتے ہیں کہ ہم نے جب انہیں چھوڑا تو وہ ( فجر کی ) نماز پڑھ رہے تھے اور جب انکے پاس گئے تب بھی وہ ( عصر کی ) نماز پڑھ رہے تھے۔

صحیح البخاری 555 (صحیح)

فَاذۡكُرُوۡنِىۡٓ اَذۡكُرۡكُمۡ

بِسْمِ اللّٰهِ الرَّحْمٰنِ الرَّحِیْمِ

مُخبرِ صادق حضرت محمد مصطفٰی ﷺ ‌نے فرمایا: ﷲﷻ فرماتا ہے : اے ابنِ آدم !جب تم مجھے تنہائی میں یاد کرو گے تو میں تمہیں تنہائی میں یاد کروں گا۔ اور جب تم مجھے لوگوں میں یاد کرو گے تو میں تمہیں ان لوگوں میں یاد کروں گا جو ان سے بہتر ہوں گے جن میں تم مجھے یاد کرتے ہو۔

السلسلۃ 2866 (صحیح)

فوت شدہ والدین کےحقوق

بِسْمِ اللّٰهِ الرَّحْمٰنِ الرَّحِیْمِ

ایک آدمی رسولِ کریم ﷺ کے پاس آیا اور پوچھا : اے اللہ کے رسولﷺ ! کیا میرے ماں باپ کے فوت ہوجانے کے بعد بھی مجھ پر ان کا کوئی حق باقی ہے کہ انکے ساتھ حسن سلوک کرتا رہوں ؟ آپ ﷺ نے فرمایا :’’ ہاں ! انکے لیے دُعا کرنا، انکے لیے بخشش مانگنا، انکے بعد انکے وعدہ کو پورا کرنا، ایسے رشتہ داروں سے میل ملاپ رکھنا کہ ان ( ماں باپ ) کے بغیر ان سے ملاقات نہ ہوسکتی تھی اور انکے دوست کی عزت کرنا۔

سنن أبوداؤد 5142 (صحیح)

بغیر عذر جمعہ چھوڑنے پر وعید

بِسْمِ اللّٰهِ الرَّحْمٰنِ الرَّحِیْمِ

نبی کریم ﷺ نے فرمایا : جس نے کسی مجبوری کے بغیر تین بار جمعے کی نماز ترک کی ، اللہ تعالٰی اسکے دل پر مہر لگا دیتا ہے۔

سنن أبن ماجہ 1126 (صحیح)

اچھی بات کرو ورنہ خاموش رہو

بِسْمِ اللّٰهِ الرَّحْمٰنِ الرَّحِیْمِ

صادق و امین رسولِ کریم ﷺ نے فرمایا : ” جو کوئی ﷲﷻ اور آخرت کے دن پر ایمان رکھتا ہو وہ اپنے پڑوسی کو تکلیف نہ پہنچائے اور جو کوئی اللہ اور آخرت کے دن پر ایمان رکھتا ہو وہ اپنے مہمان کی عزت کرے اور جو کوئی اللہ اور آخرت کے دن پر ایمان رکھتا ہو وہ اچھی بات زبان سے نکالے ورنہ خاموش رہے۔

صحیح البخاری 6018 (صحیح)

یومِ عاشورہ کے روزہ کا بیان

بِسْمِ اللّٰهِ الرَّحْمٰنِ الرَّحِیْمِ

جب رسولِ کریم ﷺ مدینہ تشریف لائے تو یہودی عاشورہ کا روزہ رکھتے تھے ۔ آنحضرت ﷺ نے ان سے اسکے متعلق پوچھا تو انہوں نے بتایا کہ اس دن حضرت موسیٰ علیہ السلام نے فرعون پر غلبہ پایا تھا ۔ آپ ﷺ نے اس پر فرمایا کہ پھر ہم ان کے مقابلے میں حضرت موسیٰ علیہ السلام کے زیادہ حقدار ہیں ۔ مسلمانو ! تم لوگ بھی اس دن روزہ رکھو ( پھر آپ ﷺ نے یہود کی مشابہت سے بچنے کے لیے اس کے ساتھ ایک روزہ اور ملانے کا حکم صادر فرمایا جو اب بھی مسنون ہے ۔ )

صحیح البخاری 4737 (صحیح)

جب مرغ یا گدھے کی آواز سنو

بِسْمِ اللّٰهِ الرَّحْمٰنِ الرَّحِیْمِ

 نبی کریم ﷺ نے فرمایا : جب مرغ کی بانگ سنو تو ﷲﷻ سے اسکے فضل کا سوال کیا کرو ( اَللّٰھُمَّ اِنِّیْ اَسْئَلُکَ مِنْ فَضْلِکَ وَرَحْمَتِکَ)، کیونکہ اس نے فرشتے کو دیکھا ہے اور جب گدھے کی آواز سنو تو شیطان سے ﷲﷻ کی پناہ مانگو (اعوذ باللہ من الشیطان الرجیم ) کیونکہ اس نے شیطان کو دیکھا ہے۔

صحیح البخاری3303 (صحیح)

ﷲﷻ کا ذکر کرنےکی اہمیت

بِسْمِ اللّٰهِ الرَّحْمٰنِ الرَّحِیْمِ

خَاتَمِ النَّبِیِّیْن رسولِ کریم ﷺ نے فرمایا :  وہ شخص جو اپنے رب کا ذکر کرتا ہے وہ زندہ کی طرح ہے اور وہ شخص جو ذکر نہیں کرتا مردہ کی طرح ہے۔

مشکوٰۃ 2263 (متفق علیہ)

نمازِ جمعہ چھوڑنے والوں کیلئے وعید

بِسْمِ اللّٰهِ الرَّحْمٰنِ الرَّحِیْمِ

 رسولِ کریم ﷺ نے ان لوگوں سے جو جمعے سے پیچھے رہ جاتے ہیں فرمایا :  میں نے ارادہ کیا کہ کسی آدمی کو حکم دوں وہ لوگوں کو نماز پڑھائے ، پھر اُن لوگوں کے گھروں کو ان پر ( ان سمیت ) جلا دوں جو جمعے سے پیچھے رہتے ہیں۔

صحیح مسلم 1485 (صحیح)

بھول چوک اور وسوسوں پر معافی

بِسْمِ اللّٰهِ الرَّحْمٰنِ الرَّحِیْمِ

 رسولِ کریم ﷺ نے فرمایا :  اللہ تعالٰی نے میری اُمت کے دلوں میں پیدا ہونے والے وسوسوں کو معاف کردیا ہے جب تک وہ انہیں عمل یا زبان پر نہ لائیں۔

صحیح البخاری 2528 (صحیح)

اخلاق حسنہ میزان میں سب سے بھاری

بِسْمِ اللّٰهِ الرَّحْمٰنِ الرحیم 

رسولِ کریم ﷺ نے فرمایا: ” قیامت کے دن مومن کے میزان میں اخلاق حسنہ سے بھاری کوئی چیز نہیں ہوگی اور اللہ تعالیٰ بےحیاء ، بد زبان سے نفرت کرتا ہے“۔ 

جامع الترمذی 2002 (صحیح)

مصیبت میں صبر کرنے کا اجر

بِسْمِ اللّٰهِ الرَّحْمٰنِ الرحیم 

صادق و امین رسولِ کریم ﷺ نے فرمایا : ” مومن مرد اور مومن عورت کی جان ، اولاد ، اور مال میں آزمائشیں آتی رہتی ہیں یہاں تک کہ جب وہ مرنے کے بعد اللہ سے ملاقات کرتے ہیں تو ان پر کوئی گناہ نہیں ہوتا“۔

جامع الترمذی 2399 (صحیح)

موت کی تمنا نہ کرو

بِسْمِ اللّٰهِ الرَّحْمٰنِ الرحیم 

صادق و امین رسولِ کریم ﷺ نے فرمایا :’’ تم میں سے کوئی موت کی تمنا نہ کرے ، اگر تو وہ نیکوکار ہے تو شاید کہ وہ نیکیوں میں اضافہ کرلے ، اور اگر وہ خطا کار ہے تو شاید کہ وہ توبہ کرلے۔

مشکوة 1598 (صحیح)

نماز جمعہ کی اہمیت و فضیلت

بِسْمِ اللّٰهِ الرَّحْمٰنِ الرحیم 

رسول اللہ ﷺ نے فرمایا : ’’ جو بھی شخص جمعے کے دن اس طرح طہارت کرے جس طرح اسے حکم دیا گیا ہے ، پھر اپنے گھر سے نکلے حتی کہ جمعے میں حاضر ہو اور خاموش رہے ، یہاں تک کہ نماز پوری کرے ، تو یہ گزشتہ جمعے سے اب تک ہونے والے گناہوں کا کفارہ بن جائے گا۔ 

سنن النسائی 1404 (صحیح)

آذان کا جواب دینےکی فضیلت

بِسْمِ اللّٰهِ الرَّحْمٰنِ الرَّحِیْمِ

 

حضرت بلال ؓ کھڑے ہوکر اذان دینے لگے ، چنانچہ جب وہ خاموش ہوگئے تو رسول اللہ ﷺ نے فرمایا : ’’ جو شخص خلوص دل سے یہ کلمات کہے گا وہ جنت میں داخل ہوگا"۔

مشکوة 676 (صحیح)

جھوٹ سےبچو اور سچ پر قائم رہو

بِسْمِ اللّٰهِ الرَّحْمٰنِ الرَّحِیْمِ

 

  رسول اللہ ﷺ نے فرمایا :  جھوٹ سے بچو ۔ بلاشبہ جھوٹ گناہ کی طرف لے جاتا ہے اور گناہ جہنم میں پہنچانے والا ہے ۔ بلاشبہ جو انسان جھوٹ بولتا ہو اور جھوٹ ہی کے درپے رہتا ہے تو وہ بالآخر اللہ کے ہاں کذاب ( انتہائی جھوٹا ) لکھ دیا جاتا ہے ۔ ( ہمیشہ ) سچ اپناؤ، سچ ( انسان کو ) نیکی کی رہنمائی کرتا ہے اور نیکی جنت میں پہنچاتی ہے ۔ اور جو شخص سچ بولتا اور سچ کے درپے رہتا ہے تو وہ بالآخر اللہ کے ہاں صدیق ( انتہائی سچا ) لکھ دیا جاتا ہے ۔ 

سنن ابوداؤد 4989 (صحیح)

اللّٰہ کے یہاں سب سے ناپسند شخص

بِسْمِ اللّٰهِ الرَّحْمٰنِ الرَّحِیْمِ

 نبی کریم ﷺ نے فرمایا : اللہ تعالٰی کے یہاں سب سے زیادہ ناپسند وہ آدمی ہے جو سخت جھگڑالو ہو ۔

صحیح البخاری 2457 (صحیح)

نمازِ جمعہ میں جلدی کرو

بِسْمِ اللَّهِ الرَّحْمَنِ الرَّحِيم

خَاتَمُ الْمُرْسَلین رسولِ کریم ﷺ نے فرمایا: جب جمعہ کا دن آتا ہے تو فرشتے جامع مسجد کے دروازے پر آنے والوں کے نام لکھتے ہیں، سب سے پہلے آنے والا اونٹ کی قربانی دینے والے کی طرح لکھا جاتا ہے۔ اس کے بعد آنے والا گائے کی قربانی دینے والے کی طرح پھر مینڈھے کی قربانی کا ثواب رہتا ہے۔ اس کے بعد مرغی کا، اس کے بعد انڈے کا۔ لیکن جب امام ( خطبہ دینے کے لیے ) باہر آجاتا ہے تو یہ فرشتے اپنے دفاتر بند کر دیتے ہیں اور خطبہ سننے میں مشغول ہوجاتے ہیں۔

صحیح البخاری 929 (صحیح)

صلہ رحمی کرنے پر انعام

بِسْمِ اللّٰهِ الرَّحْمٰنِ الرَّحِیْمِ

ہمارے پیارے نبی حضرت محمد مصطفٰی ﷺ نے فرمایا: جو چاہتا ہو کہ اس کے رزق میں فراخی ہو اور اس کی عمر دراز ہو تو وہ صلہ رحمی کیا کرے۔

مشکوٰۃ 5986 (صحیح)

نمازِ عید سے پہلے قربانی کی ممانعت

بِسْمِ ﷲِ الرَّحْمٰنِ الرَّحِيْمِ.

حضرت جندب ؓ فرماتے ہیں کہ میں رسول اللہ ﷺ کے ساتھ نمازِ عید الاضحی میں حاضر ہوا ۔ کچھ لوگوں نے نماز سے پہلے ( جانور ) ذبح کرلیے ۔ نبی کریم ﷺ نے فرمایا :  تم میں سے جس نے نماز سے پہلے ( جانور ) ذبح کیا ، وہ دوبارہ قربانی کرے ۔ اور جس نے ( پہلے ذبح ) نہیں کیا ، وہ اللہ کا نام لے کر ذبح کرے ۔

سنن ابن ماجہ 3152 (صحیح)

تلبیہ کا بیان

بِسْمِ ﷲِ الرَّحْمٰنِ الرَّحِيْمِ.

نبيِ رحمت ﷺ کا تلبیہ یہ تھا: 

لَبَّيْكَ اللَّهُمَّ لَبَّيْكَ ، لَبَّيْكَ لَا شَرِيكَ لَكَ لَبَّيْكَ ، إِنَّ الْحَمْدَ وَالنِّعْمَةَ لَكَ وَالْمُلْكَ ، لَا شَرِيكَ لَكَ

 حاضر ہوں اے اللہ ! حاضر ہوں میں ، تیرا کوئی شریک نہیں ۔ حاضر ہوں ، تمام حمد تیرے ہی لیے ہے اور تمام نعمتیں تیری ہی طرف سے ہیں ، ملک تیرا ہی ہے ، تیرا کوئی شریک نہیں ۔

صحیح البخاری 1549 (صحیح)

یوم عرفہ (9 ذوالحجہ) روزہ کی فضیلت

بِسْمِ ﷲِ الرَّحْمٰنِ الرَّحِيْمِ.

رَحْمَۃً لِّلْعَالَمِیْن رسولِ کریم ﷺ نے فرمایا : ” میں ﷲﷻ سے امید رکھتا ہوں کہ عرفہ کے دن کا روزہ ایک سال پہلے اور ایک سال بعد کے گناہ مٹا دے گا ۔“ (مگر جو لوگ عرفات میں ہوں ان کے لیے مستحب نہیں)

جامع الترمذی 749 (صحیح)

عید کے دن نبی پاک ﷺ کی سنت

بِسْمِ ﷲِ الرَّحْمٰنِ الرَّحِيْمِ.

ہمارے پیارے نبی حضرت محمد مصطفٰی ﷺ عید الفطر کے روز کچھ کھا کر عید گاہ جایا کرتے تھے اور عید الاضحی کے روز نمازِ عید پڑھنے کے بعد کچھ کھایا کرتے تھے۔

المشکوٰۃ 1440 (صحیح)

قربانی کے جانوروں کی عمریں

بِسْمِ ﷲِ الرَّحْمٰنِ الرَّحِيْمِ.

ہمارے پیارے نبی حضرت محمد مصطفٰی ﷺ نے فرمایا :  صرف مسنہ ( دو دانتا ) جانور کی قربانی کرو ، ہاں اگر تم کو دشوار ہو تو ایک سالہ دنبہ یا مینڈھا ذبح کر دو ۔

صحیح مسلم 5082 (صحیح)

حج مبرور کا ثواب تو جنت ھے

بِسْمِ ﷲِ الرَّحْمٰنِ الرَّحِيْمِ.

صادق و امین رسولِ کریم ﷺ نے فرمایا :  حج اور عمرہ مسلسل کرتے رہو ۔ یقیناً یہ فقر اور گناہوں کو اس طرح زائل کردیتے ہیں جس طرح آگ کی بھٹی لوہے ، سونے اور چاندی کے میل کچیل کو زائل کر دیتی ہے ۔ اور حج مبرور (مقبول ) کا ثواب تو جنت سے کم نہیں ۔

سنن النسائی 2632 (صحیح)

اسلام میں نکاح کے لیے رہنمائی

بِسْمِ اللّٰهِ الرَّحْمٰنِ الرَّحِیْمِ

رَحْمَۃً لِّلْعَالَمِیْن رسولِ کریم ﷺ نے فرمایا: عورت سے نکاح چار چیزوں کی بنیاد پر کیا جاتا ہے۔ اسکے مال کی وجہ سے یا اسکے خاندانی شرف کی وجہ سے یا اسکی خوبصورتی کی وجہ سے یا اسکے دین کی وجہ سے، اور تو دیندار عورت سے نکاح کرکے کامیابی حاصل کر، اگر ایسا نہ کرے تو تیرے ہاتھوں کو مٹی لگے گی ( یعنی اخیر میں تجھ کو ندامت ہو گی ) ۔

صحیح البخاری 5090 (صحیح)

ذوالحجہ کے دس دنوں کی فضیلت

بِسْمِ ﷲِ الرَّحْمٰنِ الرَّحِيْمِ.

رَحْمَۃً لِّلْعَالَمِیْن رسولِ کریم ﷺ نے ارشاد فرمایا : عشرہ ذی الحجہ سے بڑھ کر کوئی دن ﷲﷻ کی نگاہوں میں معظم نہیں اور نہ ہی انکے علاوہ کسی اور دن میں اعمال اتنے زیادہ پسند ہیں ، اس لئے ان دنوں میں تہلیل و تکبیر اور تحمید کی کثرت کیا کرو ۔

مسند احمد 5446 (صحیح)

کن جانوروں کی قربانی مکروہ ھے؟

بِسْمِ ﷲِ الرَّحْمٰنِ الرَّحِيْمِ.

چار قسم کے جانوروں کی قربانی درست نہیں: ایک کانا جس کا کانا پن واضح ہو، دوسرے بیمار جس کی بیماری عیاں اور ظاہر ہو، تیسرے لنگڑا جس کا لنگڑا پن نمایاں ہو، چوتھا ایسا لاغر اور دبلا پتلا جس کی ہڈیوں میں گودا نہ ہو۔

سنن ابن ماجہ 3144 (صحیح)

عشرہ ذی الحجہ کی اہمیت وفضیلت

بِسْمِ ﷲِ الرَّحْمٰنِ الرَّحِيْمِ.

نبيِ رحمت ﷺ نے فرمایا :  ﷲﷻ کو کوئی نیک عمل کسی دن میں اس قدر پسندیدہ نہیں ہے جتنا کہ ان دنوں میں پسندیدہ اور محبوب ہوتا ہے ۔“ یعنی ذوالحجہ کے پہلے عشرہ میں ۔ صحابہ کرام ؓ نے عرض کیا: اے اللہ کے رسول ﷺ ! کیا جہاد فی سبیل اللہ بھی نہیں ؟ آپ ﷺ نے فرمایا :’’ نہیں ، جہاد فی سبیل اللہ بھی نہیں مگر جو کوئی شخص اپنی جان و مال لے کر نکلا ہو اور پھر کچھ واپس نہ لایا ہو ۔

سنن ابوداؤد 2438 (صحیح)

جس نے عید پر قربانی کرنی ہو

بِسْمِ ﷲِ الرَّحْمٰنِ الرَّحِيْمِ.

رَحْمَۃً لِّلْعَالَمِیْن رسولِ کریم ﷺ نے فرمایا : ’’ جو شخص قربانی کرنے کا ارادہ رکھتا ہو ، وہ نہ اپنے ناخن کٹوائے اور نہ بال ۔ یہ حکم ذوالحجہ کے پہلے دس دن کے لیے ہے"۔ 

سنن النسائی 4367 (صحیح)

جمعہ کی نفل نماز

بِسْمِ ﷲِ الرَّحْمٰنِ الرَّحِيْمِ.

" رسولِ کریم ﷺ جمعے کے بعد نماز ( نفل ) نہیں پڑھتے تھے حتٰی کہ گھر تشریف لے جاتے اور دو رکعتیں پڑھتے"۔ 

سنن النسائی 1428 (صحیح)

زبان ہر وقت ذکرِ الٰہی سے تر رہے

بِسْمِ اللّٰهِ الرَّحْمٰنِ الرَّحِیْمِ

دو دیہاتی آدمی نبی کریم ﷺ کی خدمت میں حاضر ہوئے اور ان میں سے ایک نے پوچھا اے محمد ﷺ ! سب سے بہترین آدمی کون ہے؟ نبی کریم ﷺ نے فرمایا: جس کی عمر لمبی ہو اور اس کا عمل اچھا ہو، دوسرے نے کہا کہ احکام اسلام تو بہت زیادہ ہیں، کوئی ایسی جامع بات بتا دیجئے جسے ہم مضبوطی سے تھام لیں؟ رسولِ کریم ﷺ نے فرمایا تمہاری زبان ہر وقت ذکرِ الٰہی سے تر رہے ۔ 

مسند احمد 17832(صحیح)

باوضو سونے کی فضیلت

بِسْمِ ﷲِ الرَّحْمٰنِ الرَّحِيْمِ.

صادق و امین رسولِ کریم ﷺ نے ارشاد فرمایا : " جو مسلمان باوضو ہوکر ﷲﷻ کا ذکر کرتے ہوئے رات کو سوتا ہے ، پھر رات کے کسی حصے میں بیدار ہوکر ﷲ تعالٰی سے دنیا و آخرت کی جس خیر کا بھی سوال کرتا ہے ، ﷲ اسے وہ ضرور عطاء فرماتا ہے"۔

مسند احمد 22398 (صحیح)

قربانی نہ کرنے والوں کےلئے وعید

بِسْمِ ﷲِ الرَّحْمٰنِ الرَّحِيْمِ.

خَاتَمُ الْمُرْسَلین رسولِ کریم ﷺ نے فرمایا: جس شخص کو ( قربانی کی ) وسعت (گنجائش) ہو اور وہ قربانی نہ کرے، تو وہ ہماری عید گاہ کے قریب نہ پھٹکے۔

سنن ابن ماجہ 3123 (صحیح)

قرض ادا نہ کرنے پر وعید

بِسْمِ اللّٰهِ الرَّحْمٰنِ الرَّحِیْمِ

مُخبرِ صادق حضرت محمد مصطفٰی ﷺ نے فرمایا : ’’ جو شخص اِس حال میں فوت ہوا کہ اُسکے ذمے ایک دینار یا ایک درہم تھا ، وہ اُسکی نیکیوں سے ادا کیا جائے گا ، وہاں ( آخرت میں ) دینار ہوں گے نہ درہم"۔

سنن ابنِ ماجہ 2414 (صحیح)

سنی سنائی بات کے بارے میں بیان

بِسْمِ اللّٰهِ الرَّحْمٰنِ الرَّحِیْمِ

ِاِمَامُ الانبیاء حضرت محمد مصطفی ﷺ نے فرمایا : کسی آدمی کے گناہ گار ہونے کے لیے یہی بات کافی ہے کہ وہ ہر سنی سنائی بات بیان کرتا رہے۔

سنن ابوداؤد 4992 (صحیح)

استغفار کی پابندی- ہر غم سے نجات

بِسْمِ اللّٰهِ الرَّحْمٰنِ الرَّحِیْمِ

ہمارے پیارے نبی حضرت محمد مصطفٰی ﷺ نے فرمایا : ’’ جو شخص استغفار کی پابندی کرے تو ﷲﷻ اسے ہر غم سے نجات دیتا ہے ، اسکے لیے ہر تنگی سے نکلنے کا راستہ بنا دیتا ہے اور اسے ایسی جگہ سے روزی دیتا ہے جہاں سے اسکو گمان بھی نہیں ہوتا "۔

سنن ابنِ ماجہ 3819 (صحیح)

قطع تعلّقی اور عداوت کی ممانعت

بِسْمِ اللّٰهِ الرَّحْمٰنِ الرَّحِیْمِ

صادق و امین رسولِ کریم ﷺ نے فرمایا : ’’ ہر جمعے (سات دنوں میں) لوگوں کے اعمال دو مرتبہ پیر اور جمعرات کے روز پیش کیے جاتے ہیں ، ہر بندہ مومن کو بخش دیا جاتا ہے ، البتہ اُس بندے کی مغفرت نہیں ہوتی جس کی اپنے بھائی کے ساتھ رنجش و عداوت ہو ، کہا جاتا ہے : ان دونوں کو چھوڑ دو حتٰی کہ وہ (عداوت ختم کرکے) رجوع کرلیں"۔

مشکوٰۃ 5030 (صحیح)

صدقہ کرنے کی اہمیت وفضیلت

بِسْمِ اللّٰهِ الرَّحْمٰنِ الرَّحِیْمِ

رسولِ کریم ﷺ نے فرمایا : جو شخص حلال کمائی سے کھجور کے برابر صدقہ کرتا ہے ، جبکہ ﷲﷻ صرف حلال مال ہی قبول کرتا ہے ، تو ﷲ تعالٰی اسے اپنے دائیں ہاتھ میں قبول فرماتا ہے ، پھر اسے اُسکے مالک کے لیے اس طرح بڑھاتا ہے جس طرح تم میں سے کوئی اپنے گھوڑے کے بچے کی پرورش کرتا ہے، حتٰی کہ وہ پہاڑ کی مانند ہوجاتا ہے۔

مشکوٰۃ 1888 (متفق علیہ)

کسی مسلمان کو حقیر نہ سمجھو

بِسْمِ اللّٰهِ الرَّحْمٰنِ الرَّحِیْمِ

ہمارے پیارے نبی حضرت محمد مصطفٰی ﷺ نے فرمایا :  انسان کے لیے اتنی بُرائی کافی ہے کہ وہ اپنے مسلمان بھائی کی تحقیر کرے ( یا اسے حقیر جانے )۔

سنن ابن ماجہ 4213 (صحیح)

سلام سے پہلے سجدہ سہو کا بیان

بِسْمِ اللّٰهِ الرَّحْمٰنِ الرَّحِیْمِ

ِاِمَامُ الانبیاء حضرت محمد مصطفٰی ﷺ نے فرمایا :  شیطان نماز کے دوران میں کسی کے پاس آتا ہے ، پھر اُسکے اور اس کے دل کے درمیان حائل ہوجاتا ہے، ( وسوسے ڈالتا ہے ) حتٰی کہ نمازی کو معلوم نہیں رہتا کہ اس نے زیادہ نماز پڑھی ہے یا کم ۔ جب یہ صورت پیش آئے تو ( نمازی کو چاہیے کہ ) سلام سے پہلے دو سجدے کرلے ، پھر سلام پھیرے دے۔

سنن ابنِ ماجہ 1216 (صحیح)

آپس میں سلام کو عام کرو

بِسْمِ اللّٰهِ الرَّحْمٰنِ الرَّحِیْمِ

رَحْمَۃً لِّلْعَالَمِیْن رسولِ کریم ﷺ نے فرمایا :  تم جنت میں داخل نہیں ہوگے یہاں تک کہ تم مومن ہوجاؤ، اور تم مومن نہیں ہو سکتے یہاں تک کہ ایک دوسرے سے محبت کرو۔ کیا تمہیں ایسی چیز نہ بتاؤں کہ جب تم اس پر عمل کرو تو ایک دوسرے کے ساتھ محبت کرنے لگو، آپس میں سلام عام کرو۔

صحیح مسلم 194 (صحیح)

نیکی واحسان کرنے کا شکریہ ادا کرو

بِسْمِ اللّٰهِ الرَّحْمٰنِ الرَّحِیْمِ

صادق و امین رسولِ کریم ﷺ نے فرمایا:  جو شخص لوگوں کا شکریہ ادا نہیں کرتا ‘ وہ ﷲﷻ کا بھی شکر گزار نہیں ہوتا۔

سنن ابوداؤد 4811 (صحیح)

غصّہ سے پرہیز کرنے کی تاکید

بِسْمِ اللّٰهِ الرَّحْمٰنِ الرَّحِیْمِ

     

ایک صحابی ؓ نے نبيِ رحمت ﷺ سے عرض کیا : مجھے آپ ﷺ کوئی نصیحت فرما دیجیے۔ رسولِ کریم ﷺ نے فرمایا کہ غصہ نہ ہوا کر ۔ انہوں نے کئی مرتبہ یہ سوال کیا اور آنحضرت ﷺ نے یہی فرمایا کہ غصّہ نہ ہوا کر ۔

صحیح البخاری 6116 (صحیح)

نمازِ جمعہ میں جلدی کرو

بِسْمِ اللَّهِ الرَّحْمَنِ الرَّحِيم

خَاتَمُ الْمُرْسَلین رسولِ کریم ﷺ نے فرمایا: جب جمعہ کا دن آتا ہے تو فرشتے جامع مسجد کے دروازے پر آنے والوں کے نام لکھتے ہیں، سب سے پہلے آنے والا اونٹ کی قربانی دینے والے کی طرح لکھا جاتا ہے۔ اس کے بعد آنے والا گائے کی قربانی دینے والے کی طرح پھر مینڈھے کی قربانی کا ثواب رہتا ہے۔ اس کے بعد مرغی کا، اس کے بعد انڈے کا۔ لیکن جب امام ( خطبہ دینے کے لیے ) باہر آجاتا ہے تو یہ فرشتے اپنے دفاتر بند کر دیتے ہیں اور خطبہ سننے میں مشغول ہوجاتے ہیں۔

صحیح البخاری 929 (صحیح)

ﷲﷻ کی پناہ حاصل کرنے کا بیان

بِسْمِ اللّٰهِ الرَّحْمٰنِ الرَّحِیْمِ

    

ہمارے پیارے نبی حضرت محمد مصطفٰی ﷺ فرمایا کرتے تھے : اے اللہ ! میں تیری پناہ چاہتا ہوں اس علم سے جو نفع مند نہ ہو ، اس دل سے جس میں خشوع و خضوع نہ ہو ، اس نفس سے جو سیر نہ ہو اور اس دُعا سے جو سنی نہ جائے ۔

سنن النسائی 5539 (صحیح)

بغیر وجہ خلع کا مطالبہ مکروہ ھے

بِسْمِ اللّٰهِ الرَّحْمٰنِ الرَّحِیْمِ

    

صادق و امین رسولِ کریم ﷺ نے فرمایا :  جو عورت بغیر کسی واقعی سبب کے اپنے خاوند سے طلاق مانگے گی ، اسے جنت کی خوشبو نہیں آئے گی ، حالانکہ اُسکی خوشبو چالیس سال کے فاصلے سے محسوس ہوتی ہے ۔

سنن ابنِ ماجہ 2054 (صحیح)

صلح کروانا نبی ﷺ کی سنت ھے

بِسْمِ اللّٰهِ الرَّحْمٰنِ الرَّحِیْمِ

    

قباء کے لوگوں نے آپس میں جھگڑا کیا اور نوبت یہاں تک پہنچی کہ ایک نے دوسرے پر پتھر پھینکے ، آنحضرت ﷺ کو جب اس کی اطلاع دی گئی تو آپ ﷺ نے فرمایا :  چلو ہم ان میں صلح کرائیں گے۔

صحیح البخاری 2693 (صحیح)

نماز سے صغیرہ گناہوں کی معافی

بِسْمِ اللّٰهِ الرَّحْمٰنِ الرَّحِیْمِ

    

رَحْمَۃً لِّلْعَالَمِیْن رسولِ کریم ﷺ نے فرمایا :  جب کوئی مسلمان فرض نماز کا وقت ہونے پر اُسکے لیے اچھی طرح وضو کرتا ہے اور خشوع و رکوع کا اچھی طرح اہتمام کرتا ہے تو وہ اس (نماز) سے پہلے کیے ہوئے گناہوں کا کفارہ بن جاتی ہے بشرطیکہ کبیرہ گناہوں کا ارتکاب نہ ہو ، اور یہ (فرض نماز سے صغیرہ گناہوں کا معاف ہوجانا) ہمیشہ کے لیے ہے۔

مشکوٰۃ 286 (صحیح)

بڑوں کی عزت اور بچوں پر مہربانی

بِسْمِ اللّٰهِ الرَّحْمٰنِ الرَّحِیْمِ

    

ایک بوڑھا شخص آیا، وہ نبی کریم ﷺ سے ملنا چاہتا تھا، لوگوں نے اسے راستہ دینے میں دیر کی تو نبی اکرم ﷺ نے فرمایا: ”وہ شخص ہم میں سے نہیں ہے، جو ہمارے چھوٹوں پر مہربانی نہ کرے اور ہمارے بڑوں کی عزت نہ کرے“۔  

جامع الترمذی 1919 (صحیح)

تقسیم کرنے والے ہاتھ کی فضیلت

بِسْمِ اللّٰهِ الرَّحْمٰنِ الرَّحِیْمِ

   

ِامَامُ الانبیاء حضرت محمد مصطفی ﷺ نے فرمایا : ’’ دینے والے کا ہاتھ اُونچا ہوتا ہے اور سب سے پہلے تو اُسے دے جس کا تو ذمے دار ہے ۔ اپنی ماں کو دے ، اپنے باپ کو دے ، اپنی بہن کو دے ، اپنے بھائی کو دے ، پھر اپنے قریبی رشتے دار کو دے ، پھر اپنے پڑوسی کو دے۔

سنن النسائی 2533 (صحیح)

درود شریف پڑھنے کی فضیلت

بِسْمِ اللّٰهِ الرَّحْمٰنِ الرَّحِیْمِ

   

صادق و امین رسولِ کریم ﷺ نے فرمایا: جمعہ کے دن اور جمعہ کی رات مجھ پر کثرت سے درود پڑھو ، کیوں کہ جس شخص نے مجھ پر ایک مرتبہ درود پڑھا ، ﷲﷻ اس پر دس مرتبہ رحمت بھیجے گا۔

السلسلۃ 2777 (صحیح)

دعاؤں کی قبولیت کا بیان

بِسْمِ اللّٰهِ الرَّحْمٰنِ الرَّحِیْمِ

   

صادق و امین رسولِ کریم ﷺ نے فرمایا :  تین دُعائیں قبول ہوتیں ہیں۔ ان ( کی قبولیت ) میں کوئی شک نہیں : مظلوم کی دُعا ، مسافر کی دُعا اور والد کی اپنی اولاد کے حق میں دُعا ۔

سنن ابنِ ماجہ 3862 (صحیح)

ننانوے بیماریوں کی دوا

بِسْمِ اللّٰهِ الرَّحْمٰنِ الرَّحِیْمِ

 

ہمارے پیارے نبی حضرت محمد مصطفٰی ﷺ نے فرمایا :" لَا حَوْلَ وَلَا قُوَّۃَ اِلَّا بِاللہِ", ننانوے بیماریوں کی دوا ہے اور ان میں سے سب سے ہلکی بیماری غم ہے۔

مشکوٰۃ 2320 (صحیح)

صلہ رحمی کرنے کا بیان

بِسْمِ اللّٰهِ الرَّحْمٰنِ الرَّحِیْمِ

 

رَحْمَۃً لِّلْعَالَمِیْن رسولِ کریم ﷺ نے ارشاد فرمایا : بدلہ دینے والا صلہ رحمی کرنے والے کے زمرے میں نہیں آتا, اصل صلہ رحمی کرنے والا تو وہ ہوتا ہے کہ اگر کوئی اس سے رشتہ توڑے تو وہ اس سے رشتہ جوڑے۔ 

مسند احمد 6785 (صحیح)

انصاف کرنے کا سنہری اصول

بِسْمِ اللّٰهِ الرَّحْمٰنِ الرَّحِیْمِ

 

صادق و امین رسولِ کریم ﷺ کو یہ فرماتے ہوئے سنا :  جب کوئی شخص غصّے کی حالت میں ہو تو وہ دو ( انسانوں / فریقوں ) کے مابین فیصلہ نہ کرے۔

صحیح مسلم 4490 (صحیح)

صدقہ وخیرات کرنے کی اہمیت

بِسْمِ اللّٰهِ الرَّحْمٰنِ الرَّحِیْمِ

 

رَحْمَۃً لِّلْعَالَمِیْن رسولِ کریم نے فرمایا : خیرات کو مت روک ورنہ تیرا رزق بھی روک دیا جائے گا ۔ اور گننے نہ لگ جانا ورنہ پھر ﷲﷻ بھی تجھے گن گن کر ہی دے گا۔ 

صحیح البخاری 1433 (صحیح)

سورہ البقرہ کی اہمیت وفضیلت

بِسْمِ اللّٰهِ الرَّحْمٰنِ الرَّحِیْمِ

 

مُخبرِ صادق حضرت محمد مصطفٰی ﷺ نے فرمایا: ” اپنے گھروں کو قبرستان نہ بناؤ۔ وہ گھر جس میں سورۃ البقرہ پڑھی جاتی ہے اس میں شیطان داخل نہیں ہوتا “۔  

جامع الترمذی 2877 (صحیح)

ہر ایک سے پوچھا جائے گا

بِسْمِ اللّٰهِ الرَّحْمٰنِ الرَّحِیْمِ

 

خَاتَمِ النَّبِیِّیْن رسولِ کریم ﷺ نے فرمایا : تم میں سے ہر ایک حاکم ہے اور ہر ایک سے ( اُسکے زیرِ اثر رہنے والے لوگوں کے بارے میں ) سوال ہوگا۔ پس اِمام حاکم ہے اس سے سوال ہوگا۔ مرد اپنی بیوی بچوں کا حاکم ہے اور اس سے سوال ہوگا۔ عورت اپنے شوہر کے گھر کی حاکم ہے اور اس سے سوال ہوگا۔ غلام اپنے سردار کے مال کا حاکم ہے اور اس سے سوال ہوگا ہاں پس تم میں سے ہر ایک حاکم ہے اور ہر ایک سے سوال ہوگا۔

صحیح البخاری 5188 (صحیح)

صدقہ وخیرات کرنے کی اہمیت

بِسْمِ اللّٰهِ الرَّحْمٰنِ الرَّحِیْمِ

خیرالبشر رسولِ کریم ﷺ نے فرمایا : ” ابن آدم ! اگر تُو اپنی حاجت سے زائد مال ﷲﷻ کی راہ میں خرچ کرے گا تو یہ تیرے لیے بہتر ہوگا، اور اگر تو اسے روک رکھے گا تو یہ تیرے لیے بُرا ہوگا، اور بقدر کفاف خرچ کرنے میں تیری ملامت نہیں کی جائے گی اور صدقہ و خیرات دیتے وقت اُن لوگوں سے شروع کر جن کی کفالت تیرے ذمہ ہے، اور اُوپر والا ( دینے والا ) ہاتھ نیچے والے ہاتھ ( مانگنے والے ) سے بہتر ہے“۔

جامع الترمذی 2343 (صحیح)

شک و شبہ شیطان ہی ڈالتا ھے

بِسْمِ اللّٰهِ الرَّحْمٰنِ الرَّحِیْمِ

 

ایک آدمی نبی کریم ﷺ کے پاس سے گذرا، اس وقت نبی اکرم ﷺ کے پاس اُنکی کوئی زوجہ محترمہ ؓ تھیں، نبی کریم ﷺ نے اس آدمی کو اس کا نام لے کر پکارا کہ اے فلاں ! یہ میری بیوی ہیں، وہ آدمی کہنے لگا یارسول اللہ ﷺ ! میں جس شخص کے ساتھ بھی ایسا گمان کروں ، لیکن آپ کے ساتھ نہیں کر سکتا ، نبی ﷺ نے فرمایا شیطان انسان کے اندر خون کی طرح دوڑتا ہے۔

مسند احمد 14088 (صحیح)

غصّہ پر قابو رکھنے کی تلقین

بِسْمِ اللّٰهِ الرَّحْمٰنِ الرَّحِیْمِ

ہمارے پیارے نبی حضرت محمد مصطفٰی ﷺ نے فرمایا :  پہلوان وہ نہیں ہے جو کشتی لڑنے میں غالب ہوجائے بلکہ اصلی پہلوان تو وہ ہے جو غصّہ کی حالت میں اپنے آپ پر قابو پائے اور بے قابو نہ ہوجائے ۔

صحیح البخاری 6114 (صحیح)

دوغلے انسان کے لیے وعید

بِسْمِ اللّٰهِ الرَّحْمٰنِ الرَّحِیْمِ

اور آدمیوں میں سب سے بُرا اسکو پاؤ گے جو دو رخہ ( دوغلا ) ہو۔ اِن لوگوں میں ایک منہ لے کر آئے ، دوسروں میں دوسرا منہ۔

صحیح البخاری 3494 (صحیح)

گناہ پر توبہ کرنے میں دیر مت کرو

بِسْمِ اللّٰهِ الرَّحْمٰنِ الرَّحِیْمِ

مُخبرِ صادق حضرت محمد مصطفٰی ﷺ نے فرمایا: بائیں ہاتھ والا فرشتہ چھ گھڑیاں ( کچھ دیر) مسلمان خطاکار یا گناہ گار بندے سے قلم اٹھائے رکھتا ہے، اگر وہ شرمسار ہوجائے، اور توبہ کرلے تو قلم رکھ دیتا ہے، وگرنہ ایک برائی لکھ دیتا ہے۔

السلسلۃ 3121 (صحیح)

بعد از موت جاری رہنے والے اعمال

بِسْمِ اللّٰهِ الرَّحْمٰنِ الرَّحِیْمِ

صادق و امین رسولِ کریم ﷺ نے فرمایا :  جب انسان فوت ہوجاتا ہے تو تین کاموں ، صدقہ جاریہ ، وہ علم جس سے استفادہ کیا جائے اور نیک اولاد جو اُسکے لیے دُعا کرے ، کے سوا اُسکے اعمال کا سلسلہ منقطع ہوجاتا ہے۔

مشکوٰۃ 203 (صحیح)

نمازِ جمعہ کی اہمیت وفضیلت

بِسْمِ اللّٰهِ الرَّحْمٰنِ الرَّحِیْمِ

رَحْمَۃً لِّلْعَالَمِیْن رسولِ کریم ﷺ اپنے منبر پر كھڑے فرما رہے تھے: لوگ یا تو جمعہ چھوڑنے سے باز آجائیں، ورنہ ﷲﷻ ان كے دلوں پر مہر لگادے گا پھر وہ غافلوں میں سے ہوجائیں گے۔

السلسلۃ 720 (صحیح)

فَاذۡكُرُوۡنِىۡٓ اَذۡكُرۡكُمۡ

بِسْمِ اللّٰهِ الرَّحْمٰنِ الرَّحِیْمِ

مُخبرِ صادق حضرت محمد مصطفٰی ﷺ ‌نے فرمایا: ﷲﷻ فرماتا ہے : اے ابنِ آدم !جب تم مجھے تنہائی میں یاد کرو گے تو میں تمہیں تنہائی میں یاد کروں گا۔ اور جب تم مجھے لوگوں میں یاد کرو گے تو میں تمہیں ان لوگوں میں یاد کروں گا جو ان سے بہتر ہوں گے جن میں تم مجھے یاد کرتے ہو۔

السلسلۃ 2866 (صحیح)

ﷲ کے ڈر سے رونے کی فضیلت

بِسْمِ اللّٰهِ الرَّحْمٰنِ الرَّحِیْمِ

صادق و امین رسولِ کریم ﷺ نے فرمایا :  سات طرح کے لوگ وہ ہیں جنہیں ﷲ تعالٰی اپنے سایہ میں پناہ دے گا ۔ ( ان میں ) ایک وہ شخص بھی ہے جس نے تنہائی میں ﷲﷻ کو یاد کیا تو اُسکی آنکھوں سے آنسو جاری ہوگئے۔

صحیح البخاری 6479 (صحیح)