اکھٹے کھانا کھانے میں برکت ھے

بِسْمِ اللّٰهِ الرَّحْمٰنِ الرَّحِیْمِ

 

ایک صحابی ؓ نے عرض: اے اللہ کے رسول ﷺ ! ہم کھانا کھاتے ہیں لیکن سیر نہیں ہوتے؟ آپ ﷺ نےفرمایا: شاید تم الگ الگ کھانا کھاتے ہو، اکٹھے بیٹھ کر کھانا کھایا کرو۔ ﷲﷻ کا نام لو اس میں تمہارے لئے برکت کردی جائے گی۔

السلسلۃ 356 (صحیح)

قیامت- حساب و بدلہ کا دن

بِسْمِ اللّٰهِ الرَّحْمٰنِ الرَّحِیْمِ

مُخبرِ صادق رسولِ کریم ﷺ نے فرمایا: ”قیامت کے دن کسی بندے کے دونوں پاؤں نہیں ہٹیں گے یہاں تک کہ اس سے یہ نہ پوچھ لیا جائے: اسکی عمر کے بارے میں کہ اسے کن کاموں میں ختم کیا، اور اسکے علم کے بارے میں کہ اس پر کیا عمل کیا اور اسکے مال کے بارے میں کہ اسے کہاں سے کمایا اور کہاں خرچ کیا، اور اسکے جسم کے بارے میں کہ اسے کہاں کھپایا“۔ 

جامع الترمذی 2417 (صحیح)

غیبت و چغلی کرنے کی سزا

بِسْمِ اللّٰهِ الرَّحْمٰنِ الرَّحِیْمِ

 

مخبر صادق رسولِ کریم ﷺ نے فرمایا : ’’جب مجھے معراج کرائی گئی تو میرا گزر ایک ایسی قوم پر ہوا جن کے ناخن تانبے کے تھے جو اپنے چہروں اور سینوں کو چھیل رہے تھے ۔ میں نے پوچھا : اے جبریل ؑ ! یہ کون لوگ ہیں ؟ انہوں نے کہا : یہ وہ ہیں جو دوسرے لوگوں کا گوشت کھاتے اور ان کی عزتوں سے کھیلتے ہیں

سنن ابوداؤد 4878 (صحیح)

ہمسایہ سے حسن سلوک کی تلقین

بِسْمِ اللّٰهِ الرَّحْمٰنِ الرَّحِیْمِ

 

ہمارے پیارے نبی حضرت محمد مصطفٰی ﷺ نے فرمایا : ’’ جب تم شوربے والا سالن پکاؤ تو اس میں پانی زیادہ رکھو ، پھر اپنے ہمسایوں میں سے کسی ( ضرورت مند ) گھرانے کو دیکھو اور اس میں سے کچھ اچھے طریقے سے ان کو بھجوا دو"۔

صحیح مسلم 6689 (صحیح)

قبر اور عذاب قبر کا بیان

بِسْمِ اللّٰهِ الرَّحْمٰنِ الرَّحِیْمِ

حضرت عثمان ؓ جب کسی قبر کے پاس کھڑے ہوتے تو وہاں اس قدر روتے کہ آپکی داڑھی تر ہوجاتی، پوچھا گیا، آپ ؓ جنت اور جہنم کا تذکرہ کرتے ہوئے نہیں روتے مگر قبر کا ذکر کرکے روتے ہیں؟ تو انہوں نے بتایا کہ رسولِ اکرم ﷺ نے فرمایا:’’ بے شک قبر منازلِ آخرت میں سے پہلی منزل ہے ، پس اگر اس سے بچ گیا تو اسکے بعد جو منازل ہیں وہ اس سے آسان تر ہیں ، اور اگر اس سے نجات نہ ہوئی تو اسکے بعد جو منازل ہیں وہ اس سے زیادہ سخت ہیں۔ میں نے قبر سے زیادہ سخت اور بُرا منظر کبھی نہیں دیکھا 

مشکوٰۃ 132 (صحیح)

زندگی میں قرض ادا کرنے کی نصیحت

بِسْمِ اللّٰهِ الرَّحْمٰنِ الرَّحِیْمِ

نبي رحمت ﷺ کے پاس ایک میت کو لایا گیا تاکہ آپ ﷺ اسکی نمازِ جنازہ پڑھائیں تو آپ ﷺ نے فرمایا: ”تم اپنے ساتھی کی نماز پڑھ لو کیونکہ اس پر قرض ہے“۔ ( میں نہیں پڑھوں گا ) اس پر حضرت ابوقتادہ ؓ نے عرض کیا: اسکی ادائیگی میرے ذمے ہے، نبی اکرم ﷺ نے پوچھا: ”پورا پورا ادا کرو گے؟“ تو انہوں نے کہا: ( ہاں ) پورا پورا ادا کروں گا، تو آپ ﷺ نے اسکی نماز جنازہ پڑھائی"۔ 

جامع الترمذی 1069 (صحیح)

عورتوں کے لئے تنبیہ ونصیحت

بِسْمِ اللّٰهِ الرَّحْمٰنِ الرَّحِیْمِ

 

تاجدارِ کائنات حضرت محمد مصطفٰی ﷺ نے ارشاد فرمایا: " اے خواتین کی جماعت ! صدقہ دیا کرو کیونکہ تم جہنم میں اکثریت میں ہو ، ایک عورت جو اونچی عورتوں میں سے نہ تھی ، کھڑی ہوکر کہنے لگی یا رسول اللہ ﷺ ! اسکی کیا وجہ ہے ؟ فرمایا اسکی وجہ یہ ہے کہ تم لعن طعن بہت کرتی ہو اور اپنے شوہر کی ناشکری و نافرمانی کرتی ہو"۔ 

مسند احمد 4019 (صحیح)