سپارہ نمبر 4 لن تنالوا (مختصر مضامین)

أَعُوْذُ بِاﷲِ مِنَ الشَّيْطٰنِ الرَّجِيْمِ.

بِسْمِ ﷲِ الرَّحْمٰنِ الرَّحِيْمِ۔

1- اللّٰہ سے ڈرنے کا مطلب

اللّٰہ سے پورا پورا ڈرنا یہ ہے کہ اس کی اطاعت کی جائے اور نافرمانی نہ کی جائے اس کا ذکر کیا جائے اور اس کی یاد نہ بھلائی جائے۔ اس کاہر حال میں شکر کیاجائے اور کفر نہ کیاجائے۔

2- غزوۂ بدر

تاریخ اسلام میں جنگ بدر سب سے پہلے وقوع پذیر ھوئی باوجود اس کے کہ 313 بہت کمزورمسلمان ، بے سروسامان تھے اور ان کے پاس ہتھیاروں کی بھی قلت تھی پھر بھی اللّٰہ نے انہیں1000مسلح کفار مکہ پر فتح دی۔

3- امر بالمعروف و نہی عن المنکر

تم میں سے ایک جماعت ہونی چاہیے جو بھلائی کی طرف بلاتی رہےاور نیک کاموں کا حکم کرتی رہے اور برے کاموں سے روکتی رہے۔ یہی لوگ فلاح و نجات پانے والے ہیں۔

4- ہر جاندارکوموت کا ذائقہ چکھنا ہے

كُلُّ نَفْسٍ ذَآئِقَةُ الْمَوْتِ۔ تمام مخلوق کو عام اطلاع دی جارہی ھے کہ ہر جان موت کا مزہ چکھنے والی ہے۔ اور قیامت کے دن تم اپنا بدلہ پورا پورا دیئے جاؤ گے۔ پس جو شخص بچ گیا اور جنت میں داخل کردیا گیا بےشک وہ کامیاب ہوگیااور دنیا کی زندگی تو صرف دھوکے کی چیز ہے۔

5- میراث کے مسائل

اسلام سے پہلے عورتوں کو میراث میں کوئی بھی حصہ نہیں دیا جاتا تھا لیکن اس آیت کریمہ کے نازل ھونے کے بعد اللّٰہ تعالیٰ کے فضل و کرم سے عورتوں کو میراث دینے کی فرضیت ثابت ہوگئی۔

6- وہ رشتے جن سے شادی حرام ہے

اہل ایمان کو بتایا گیا ہے کہ تم پر تمھاری مائیں، بیٹیاں، بہنیں ،پھوپھیاں ،خالائیں، بھتیجیاں ،بھانجیاں اور وہ مائیں جنہوں نے تم کو دودھ پلایا ہو اور رضائی بہنیں اور ساسیں حرام کردی گئی ہیں۔

(سورہ آل عمران, سورہ النساء)