سپارہ نمبر 3 تلك الرسل (مختصر مضامین)

أَعُوْذُ بِاﷲِ مِنَ الشَّيْطٰنِ الرَّجِيْمِ.

بِسْمِ ﷲِ الرَّحْمٰنِ الرَّحِيْمِ.

1- آیت الکرسی کی برکات

آیت الکرسی ازروئے حدیث بڑی فضیلت اور عظمت والی آیت ہے، اس میں توحید ,ذات وعظمت, صفات الٰہی بیان کی گئی ہیں،جو کچھ آسمانوں اور زمین میں ہے وہی سب کا مالک ہے۔ حضرت عمر رضی اللہ کے سوال پر کہ سارے قرآن میں سب سے زیادہ بزرگ آیت کون کی ہے؟ حضرت عبداللہ بن مسعود رضی اللہ تعالیٰ نے فرمایا مجھے خوب معلوم ہے میں نے رسولِ اکرم  ﷺ سے سنا ہے کہ وہ آیت آیت الکرسی ہے۔ایک اور حدیث میں ہے جو شخص ہر فرض نماز کے بعد آیت الکرسی پڑھ لے اسے جنت میں جانے سے کوئی چیز نہیں روکی گی سوائے موت کے۔

2- حضرت ابراہیم علیہ السلام اور نمرود کا قصہ

نمرود جو کہ عراق کا بادشاہ تھا اور بہت ظالم اور مشرک تھا۔ اس نے حضرت ابراہیم علیہ السلام سے مناظرہ کیا اور اپنے مناظرے میں برے طریقے سے شکست کھائی لیکن ہٹ دھرمی، تکبر اور اپنی بادشاہت کے زعم میں اس نے ابراہیم علیہ السلام کو آگ میں پھینکا لیکن اللّٰہ ﷻ نے اپنے فضل و کرم سے آگ کو حکم دیا کہ ابراہیم علیہ السلام پر سلامتی بن جا۔

3- صدقہ کے احکامات

جو شخص اللّٰہ ﷻ کی رضامندی کی طلب میں اپنا مال خرچ کرے اسے بڑا ثواب اور برکتیں ملتی ہیں اور نیکیاں سات سو گنا کرکے دی جاتی ہیں۔ اللّہ کے نیک بندے بہترین چیز صدقہ کرتے ہیں اور ریاکاری و احسان نہیں جتلاتے۔

4- سود کی ممانعت اورقرض دارکومہلت دینا

سود خوری سے منع کیا گیا ہے۔ سود خوار اپنی قبروں سےاٹھیں گےتو دیوانوں اور پاگلوں، خبطیوں اور بے ہوشوں کی طرح اٹھیں گے۔اگر قرض دار تنگی والا ہوتو آسانی تک کی مہلت دینی چاہیے اور معاف کردیا تو بہت بہتر ھے۔

(سورہ البقرہ، سورہ آل عمران)