سیقول پارہ-2 مختصر مضامین

أَعُوْذُ بِاﷲِ مِنَ الشَّيْطٰنِ الرَّجِيْمِ

بِسْمِ ﷲِ الرَّحْمٰنِ الرَّحِيْمِ

1-بیت اللّٰہ شریف کاعمرہ ادا کرنا

کسی بھی وقت میں جو بیت اللہ کی زیارت کی جائے وہ عمرہ ہے۔ عمرہ کرنا بہت بڑے ثواب کا کام ہے اور اللّٰہ تعالیٰ کی رضا جوئی کا ایک بہت بڑا ذریعہ ہے۔ہر مسلمان کو چاہئیے اگر اسے توفیق اور استطاعت ہوتو عمرہ ادا کرے۔

2-تحویل قبلہ کا حکم

شروع میں اللّٰہ تعالیٰ نے آپﷺ کو بیت المقدس کی طرف نمازیں پڑھنے کا حکم دیا۔جس سے یہود بہت خوش تھے، آپ ﷺ کئی ماہ اس کی طرف منہ کرکے نمازیں پڑھتے رہے۔ قبلہ ابراہیمی رسول اللہ ﷺ کی چاہت تھی، رب العزت کی طرف سے تحویل قبلہ کا حکم آگیا.

3-اللّٰہ تعالیٰ اپنے بندوں کو آزماتا ھے

اللّٰہ اپنے بندوں کو آزماتا ھے کبھی دشمن کے ڈر سے، بھوک وپیاس سے، مال وجان اور پھلوں کی کمی سے، اور کامیاب وہ ہیں جو ثابت قدم رہتے ہیں اور کہتے ہیں کہ ہم اللہ کی ملکیت ہیں اور اسی کی طرف لوٹنے والے ہیں۔

4 -رمضان المبارک کے روزے

اسلام کے دیگر احکامات کی طرح روزے کی فرضیت بھی آہستہ آہستہ عائدکی گئی۔ نبی اکرم ﷺ نے ابتدا میں مسلمانوں کو صرف ہر مہینے تین دن کے روزے رکھنے کی ہدایت فرمائی تھی مگر یہ روزے فرض نہ تھے۔ پھر سنہ2 ہجری میں رمضان کے روزوں کا یہ حکم قرآن میں نازل ہوا۔ اور اس طرح پورے مہینے کے روزے اللّٰہ تعالیٰ نے فرض کردیے۔

5-حج بیت اللہ شریف

ذوالحجہ کی مقرر تاریخوں میں بیت اللہ شریف کی زیارت کا نام حج ھے۔ حج اس مسلمان پر فرض ہے جس کے پاس استطاعت ہو۔

6-طالوت اور جالوت کی جنگ

اللّٰہ تعالیٰ اپنے بندوں کو کفار پر فتح عطا فرماتا ہے،اور تھوڑی سی جماعت کو بہت بڑی فوج پر فتح دیتا ہے۔ صرف ایمان ویقین کی ضرورت ہے اگر یہ چیز مسلمانوں میں پیدا ہوجائےتو اللّٰہ انہیں ہر جگہ فتح دے۔

(سورہ البقرہ)