سات باتوں کا حکم

بِسْمِ ﷲِ الرَّحْمٰنِ الرَّحِيْمِ.

حضرت ابوذر ؓ بیان کرتے ہیں ، میرے خلیل نے مجھے سات چیزوں کے متعلق حکم فرمایا:

1. آپ صلی ‌اللہ ‌علیہ ‌وآلہ ‌وسلم نے مساکین سے محبت کرنے اور ان کے قریب رہنے کا مجھے حکم فرمایا.

2. آپﷺ نے مجھے حکم فرمایا کہ میں اپنے سے کم تر کی طرف دیکھوں اور جو مجھ سے (دنیا کے لحاظ سے) برتر ہے اس کی طرف نہ دیکھوں.

3. آپﷺ نے مجھے صلہ رحمی کا حکم فرمایا اگرچہ وہ قطع رحمی کریں.

4. آپﷺ نے مجھے حکم فرمایا کہ میں کسی سے کوئی چیز نہ مانگوں.

5. آپﷺ نے مجھے حکم فرمایا کہ میں حق بات کروں اگرچہ وہ کڑوی ہو.

6. آپﷺ نے مجھے حکم فرمایا کہ میں اللہ کے (حق کے) بارے میں کسی ملامت گر کی ملامت سے نہ ڈروں.

7. اور آپﷺ نے مجھے حکم فرمایا کہ میں *لَا حَوْلَ وَلَا قَوَّۃَ اِلَّا بِاللہِ* کثرت سے پڑھا کروں ، کیونکہ وہ (کلمات) عرش کے نیچے خزانوں میں سے ایک خزانہ ہیں ۔‘‘

مشکوة5259