ﷲ سے آسان حساب کی دُعا مانگو

بِسْمِ ﷲِ الرَّحْمٰنِ الرَّحِيْمِ

حضرت عائشہ ؓ بیان کرتی ہیں کہ میں نے رسولِ کریم ﷺ کو انکی کسی نماز میں یہ دُعا اَللّٰھُمَّ حَاسِبْنِیْ حِسَابًا یَّسِیْرًا ’’ اے ﷲ ! میرا آسان حساب لینا۔‘‘ کرتے ہوئے سنا تو میں نے عرض کیا، ﷲ کے نبیﷺ ! آسان حساب سے کیا مراد ہے؟ آپ ﷺ نے فرمایا: (اس سے مراد یہ ہے کہ) (ﷲ تعالٰی) اس کے نامہ اعمال پر نظر ڈال کر اس سے درگزر فرمائے گا، کیونکہ عائشہ ؓ ! اس روز جس کے حساب کی جانچ پڑتال کی گئی تو وہ مارا گیا۔

مشکوٰۃ 5562 (صحیح)