مسواک کرنے کی اہمیت وفضیلت

بِسْمِ اللّٰهِ الرَّحْمٰنِ الرَّحِیْمِ

خَاتَمُ الْمُرْسَلین رسولِ کریم ﷺ نے فرمایا: مسواک منہ کو صاف کرنے والی اور ﷲﷻ کی رضا مندی کا باعث ہے۔

مشکوٰۃ 381 (صحیح)

فضائلِ قرآن- جنت کی خوشخبری

بِسْمِ اللّٰهِ الرَّحْمٰنِ الرَّحِیْمِ

رَحْمَۃً لِّلْعَالَمِیْن رسولِ کریم ﷺ ‌نے فرمایا: قرآن سفارش کرنے والا ہے اور اسکی سفارش قبول کی جاتی ہے۔ جو شخص اسے اپنے سامنے رکھے گا اسے جنت کی طرف لے جائے گا اور جو اسے اپنی پیٹھ کے پیچھے پھینک دے گا اسے جہنم کی طرف ہانک کر لے جائے گا۔

السلسلۃ 2876(صحیح)

صدقہ کرتے رہو چاہے معمولی ہی ہو

بِسْمِ اللّٰهِ الرَّحْمٰنِ الرَّحِیْمِ

ہمارے پیارے نبی حضرت محمد مصطفٰی ﷺ نے فرمایا: جہنم سے بچو اگرچہ کھجور کا ایک ٹکڑا دے کر ہی سہی ( مگر ضرور صدقہ کرکے دوزخ کی آگ سے بچنے کی کوشش کرو )۔

صحیح البخاری 1417 (صحیح)

جھوٹی قسم اٹھانے کی سزا

بِسْمِ اللّٰهِ الرَّحْمٰنِ الرَّحِیْمِ

صادق و امین رسولِ کریم ﷺ نے فرمایا: جس شخص نے کسی مسلمان کا مال جھوٹی قسم کے ذریعے حاصل کیا تو ایک سیاہ نکتہ اسکے دل میں لگ جاتا ہے۔ قیامت تک کوئی چیز اسے تبدیل نہیں کر سکتی۔

السلسلۃ 175 (صحیح)

سرد موسم میں وضو کرنے کا اجر

بِسْمِ اللّٰهِ الرَّحْمٰنِ الرَّحِیْمِ

نبيِ رحمت ﷺ نے فرمایا: ’’کیا میں تمہیں وہ اعمال نہ بتاؤں جنکی وجہ سے ﷲﷻ غلطیاں معاف فرمادیتا ہے اور نیکیوں میں اضافہ فرما دیتا ہے؟‘‘ صحابہ کرام ؓ نے عرض کیا: کیوں نہیں ! اللہ کے رسولﷺ ! آپ ﷺ نے فرمایا: ’’اس وقت کامل ( سنوار کر ) وضو کرنا جب ( سردی وغیرہ کی وجہ سے ) دل نہ چاہتا ہو، اور مسجدوں کی طرف زیادہ قدم اٹھانا، اور ایک نماز کے بعد دوسری نماز کا انتظار کرنا۔

سنن ابنِ ماجہ 427 (صحیح)

اپنے مال و اولاد کو بد دُعا نہ دو

بِسْمِ اللّٰهِ الرَّحْمٰنِ الرَّحِیْمِ

نبيِ رحمت ﷺ نے فرمایا: ’’اپنے آپ کو بددُعا نہ دو، اپنی اولاد کو بددُعا نہ دو، اپنے خادموں کو بددُعا نہ دو اور اپنے مالوں کو بددُعا نہ دو، ایسا نہ ہوکہ وہ ﷲﷻ کی طرف سے عطا و قبولیت کی گھڑی ہو ( ادھر تم کوئی بددُعا کرو کہ اللہ تعالٰی اسے ) تمہارے لیے قبول کرلے

سنن ابوداؤد 1532 (صحیح)

ظالم کے سامنے کلمہ حق کہنا

بِسْمِ اللّٰهِ الرَّحْمٰنِ الرَّحِیْمِ

 

صادق و امین رسولِ کریم ﷺ نے فرمایا:  سب سے فضیلت والا جہاد اُس شخص کا ہے جو ظالم حکمران کے سامنے کلمہ حق کہتا ہے۔

مشکوٰۃ 3705 (صحیح)

ﷲﷻ کے مہمان کون ہیں؟

بِسْمِ اللّٰهِ الرَّحْمٰنِ الرَّحِیْمِ

 

رَحْمَۃً لِّلْعَالَمِیْن رسولِ کریم ﷺ نے فرمایا: ’’حج اور عمرہ کرنے والے ﷲﷻ کے ملاقاتی ( اور مہمان ) ہیں۔ اگر وہ ﷲ تعالٰی سے دُعا کریں تو ﷲ انکی دُعا قبول کرتا ہے اور اگر وہ بخشش مانگیں تو انھیں بخش دیتا ہے۔

سنن ابنِ ماجہ 2893 (صحیح)

حجرِ اسود کے استلام کی فضیلت

بِسْمِ ﷲِ الرَّحْمٰنِ الرَّحِيْمِ

مُخبرِ صادق حضرت محمد مصطفٰی ﷺ نے حجر اسود کے بارے میں فرمایا: ﷲﷻ کی قسم ! ﷲ اسے قیامت کے دن اِس حال میں اٹھائے گا کہ اسکی دو آنکھیں ہوں گی، جس سے یہ دیکھے گا، ایک زبان ہوگی جس سے یہ بولے گا۔ اور یہ اس شخص کے ایمان کی گواہی دے گا جس نے حق کے ساتھ ( یعنی ایمان اور اجر کی نیت سے ) اس کا استلام (حجر اسود کو بوسہ دیا، ہاتھ سے چھوا یا اس کی طرف اشارہ ) کیا ہوگا۔

جامع الترمذی 961 (صحیح)

اپنے رب سے دعائیں مانگتے رہو

بِسْمِ اللّٰهِ الرَّحْمٰنِ الرَّحِیْمِ 

رَحْمَۃً لِّلْعَالَمِیْن رسولِ کریم ﷺ نے فرمایا:  دُعا ہی عبادت ہے، پھر آپ ﷺ نے یہ آیت پڑھی :’’ تمہارے رب نے فرمایا: مجھ سے دعائیں کرو میں تمہاری دعائیں قبول کروں گا۔

مشکوٰۃ 2230 (صحیح)

ایمان کی نشانی

بِسْمِ اللّٰهِ الرَّحْمٰنِ الرَّحِیْمِ 

ہمارے پیارے نبی حضرت محمد مصطفٰی ﷺ فرمایا کرتے تھے:  اے اللّٰه ! مجھے ان لوگوں میں شامل فرما جب وہ نیکی کرتے ہیں تو انہیں خوشی حاصل ہوتی ہے اور جب گناہ کرتے ہیں تو استغفار کرتے ہیں۔

سنن ابنِ ماجہ 3820 (صحیح)

تکبر و گھمنڈ کا وبال

بِسْمِ اللّٰهِ الرَّحْمٰنِ الرَّحِیْمِ 

مُخبرِ صادق حضرت محمد مصطفٰی ﷺ نے ارشاد فرمایا: وہ شخص جنت میں داخل نہ ہوگا جس کے دل میں رائی کے ایک دانے کے برابر بھی تکبر ہوگا۔ 

مسند احمد 4310 (صحیح)

اہل وعیال پر خرچ کرنے کا اجر وثواب

بِسْمِ اللّٰهِ الرَّحْمٰنِ الرَّحِیْمِ 

صادق و امین رسولِ کریم ﷺ نے فرمایا: ’’( جن دیناروں پر اجر ملتا ہے ان میں سے ) ایک دینار وہ ہے جسے تو نے ﷲﷻ کی راہ میں خرچ کیا، ایک دینار وہ ہے جسے تو نے کسی کی گردن ( کی آزادی ) کے لیے خرچ کیا، ایک دینار وہ ہے جسے تو نے مسکین پر صدقہ کیا اور ایک دینار وہ ہے جسے تو نے اپنے گھر والوں پر صرف کیا، ان میں سب سے عظیم اجر اس دینار کا ہے جسے تو نے اپنے اہل پر خرچ کیا۔

صحیح مسلم 2311 (صحیح)

جنازہ میں شامل ہونے کا اجر وثواب

بِسْمِ اللّٰهِ الرَّحْمٰنِ الرَّحِیْمِ

 تاجدارِ کائنات حضورِ اقدسﷺ نے فرمایا: ’’ جو شخص جذبہ ایمان اور ثواب کی نیت رکھتے ہوئے کسی مسلمان کے جنازے کے ساتھ جائے اور نماز جنازہ پڑھے، پھر انتظار کرے حتٰی کہ اسے قبر میں دفن کردیا جائے تو اسے دو قیراط ثواب ملے گا جن میں سے ہر ایک قیراط احد پہاڑ کے برابر ہوگا۔ اور جو صرف جنازہ پڑھ کر واپس آجائے، اس کو ایک قیراط ثواب ملے گا۔ 

سنن النسائی 5035 (صحیح)

عزیز واقارب کی خبرگیری کرتے رہو

بِسْمِ اللّٰهِ الرَّحْمٰنِ الرَّحِیْمِ

رسولِ کریم ﷺ نے فرمایا: جس نے ایک سال تک اپنے بھائی سے روابط توڑے رکھے تو وہ ایسے ہے جیسے اس کا خون بہایا ہو۔ 

سنن ابوداؤد 4915 (صحیح)

کسی کے عیب کو چھپانے کا بیان

بِسْمِ اللّٰهِ الرَّحْمٰنِ الرَّحِیْمِ

خَاتَمُ الْمُرْسَلین رسولِ کریم ﷺ نے فرمایا:  جس نے کسی کی کوئی برائی دیکھی اور پھر اس پر پردہ ڈال دیا تو اس نے گویا قبر میں گاڑی گئی لڑکی کو زندہ کر دیا۔ 

سنن ابوداؤد 4891 (صحیح)

نیکی کا حکم اور برائی سے روکو

بِسْمِ اللّٰهِ الرَّحْمٰنِ الرَّحِیْمِ

رَحْمَۃً لِّلْعَالَمِیْن رسولِ کریم ﷺ نے فرمایا: اس ذات کی قسم جس کے دست قدرت میں میری جان ہے، تم لوگ امربالمعروف کرتے رہو اور نہی عن المنکر کرتے رہو ورنہ ﷲﷻ تم پر ایسا عذاب مسلط کر دے گا کہ تم ﷲ تعالٰی سے دُعائیں کرو گے لیکن تمہاری دُعائیں قبول نہ ہوں گی۔

مسند احمد 23690 (صحیح)

رزقِ حرام سے بچنے کی تلقین

بِسْمِ اللّٰهِ الرَّحْمٰنِ الرَّحِیْمِ

 نبيِ رحمت ﷺ نے فرمایا: اس ذات کی قسم جس کے دست قدرت میں میری جان ہے، یہ بات بہت بہتر ہے کہ تم میں سے کوئی آدمی رسی پکڑے، پہاڑ پر جاکر لکڑیاں کاٹے اور اپنی پیٹھ پر لادکر اسے بیچے اور اس سے حاصل ہونے والی کمائی خود کھائے یا صدقہ کردے، بہ نسبت اسکے کہ کسی سے جا کر سوال کرے، اور انسان کے لیے مٹی لے کر اپنے منہ میں ڈال لینا اس سے بہتر ہے کہ اپنے منہ میں حرام کا لقمہ ڈالے۔

مسند احمد 7482 (صحیح)

قرآن کو پس پشت ڈالنے کا انجام

بِسْمِ اللّٰهِ الرَّحْمٰنِ الرَّحِیْمِ

صادق و امین رسولِ کریم ﷺ ‌نے فرمایا: قرآن سفارش کرنے والا ہے اور اسکی سفارش قبول کی جاتی ہے۔ جو شخص اسے اپنے سامنے رکھے گا اسے جنت کی طرف لے جائے گا اور جو اسے اپنی پیٹھ کے پیچھے پھینک دے گا اسے جہنم کی طرف ہانک کر لے جائے گا۔

السلسلۃ 2876 (صحیح)

پہلے خود بھی عمل کریں

بِسْمِ اللّٰهِ الرَّحْمٰنِ الرَّحِیْمِ

نبيِ رحمت ﷺ نے فرمایا: شب معراج میں ایسے لوگوں کے پاس سے گزرا جن کے منہ آگ کی قینچیوں سے کاٹے جا رہے تھے، میں نے پوچھا یہ کون لوگ ہیں؟ بتایا گیا کہ یہ دنیا کے خطباء ہیں جو لوگوں کو نیکی کا حکم دیتے تھے اور اپنے آپ کو بھول جاتے تھے اور کتاب کی تلاوت کرتے تھے، کیا یہ سمجھتے نہ تھے۔

مسند احمد 12235 (صحیح)

لے پالک کو اصل باپ کے نام سے پکارو

بِسْمِ اللّٰهِ الرَّحْمٰنِ الرَّحِیْمِ

ہم زید ؓ بن حارثہ کو زید بن محمد ﷺ ہی کہہ کر پکارتے تھے یہاں تک کہ آیت کریمہ ادْعُوهُمْ لآبَائِهِمْ هُوَ أَقْسَطُ عِنْدَ اللَّهِ ”تم متبنی ( لے پالک ) لوگوں کو انکے اپنے باپوں کے نام پکارا کرو، یہی بات ﷲﷻ کے نزدیک زیادہ قرین انصاف بات ہے۔“( الاحزاب: ۵ ) ، نازل ہوئی۔ 

جامع الترمذی 3814 (صحیح)

ہمسائے کے ساتھ اچھائی کی تلقین

بِسْمِ اللّٰهِ الرَّحْمٰنِ الرَّحِیْمِ

رَحْمَۃً لِّلْعَالَمِیْن رسولِ کریم ﷺ نے فرمایا: ’’جبریل ؑ مجھے لگاتار ہمسائے کے ساتھ حُسن سلوک کی تلقین کرتے رہے حتٰی کہ مجھے یقین ہونے لگا کہ وہ اسے وارث ( بھی ) بنا دیں گے۔

صحیح مسلم 6687 (صحیح)

سود خور کا انجام

بِسْمِ اللّٰهِ الرَّحْمٰنِ الرَّحِیْمِ

 صادق و امین رسولِ کریم ﷺ نے ارشاد فرمایا: شبِ معراج میں نے ایک آدمی کو دیکھا جو نہر میں تیر رہا تھا اور اسکے منہ میں پتھروں کا لقمہ دیا جا رہا تھا، میں نے اسکے متعلق پوچھا تو مجھے بتایا گیا کہ وہ سود خور ہے ۔

مسند احمد 20361 (صحیح)

صلہ رحمی کرنے پر انعام

بِسْمِ اللّٰهِ الرَّحْمٰنِ الرَّحِیْمِ

ہمارے پیارے نبی حضرت محمد مصطفٰی ﷺ نے فرمایا: جو چاہتا ہو کہ اس کے رزق میں فراخی ہو اور اس کی عمر دراز ہو تو وہ صلہ رحمی کیا کرے۔

مشکوٰۃ 5986 (صحیح)

مسجد پسندیدہ اور بازار ناپسندیدہ

بِسْمِ اللّٰهِ الرَّحْمٰنِ الرَّحِیْمِ

رَحْمَۃً لِّلْعَالَمِیْن رسولِ کریم ﷺ نے فرمایا: ’’ ﷲﷻ کے نزدیک ( انسانی ) آبادیوں کا پسندیدہ ترین حصہ انکی ‌مسجدیں ‌ہیں، ‌اور ﷲ تعالٰی کے ہاں ( انسانی ) آبادیوں کا سب سے ناپسندیدہ حصہ انکے بازار ہیں۔

مشکوٰۃ 696 (صحیح)

دلوں میں محبت ﷲﷻ ہی ڈالتا ھے

بِسْمِ اللّٰهِ الرَّحْمٰنِ الرَّحِیْمِ

صادق و امین رسولِ کریم ﷺ نے فرمایا: ” جب ﷲﷻ کسی بندہ سے محبت کرتا ہے تو جبریل ؑ کو آواز دیتا ہے کہ ﷲ فلاں سے محبت کرتا ہے تم بھی اس سے محبت کرو۔ چنانچہ جبریل ؑ بھی اس سے محبت کرتے ہیں۔ پھر وہ آسمان میں آواز دیتے ہیں کہ ﷲ تعالٰی فلاں سے محبت کرتا ہے تم بھی اس سے محبت کرو۔ چنانچہ اہل آسمان بھی اس سے محبت کرنے لگتے ہیں اور اس طرح روئے زمین میں بھی اسے مقبولیت حاصل ہوجاتی ہے۔

صحیح البخاری 7485 (صحیح)

دلوں میں بدگمانی ڈالنے پر وعید

بِسْمِ اللّٰهِ الرَّحْمٰنِ الرَّحِیْمِ

ہمارے پیارے نبی حضرت محمد مصطفٰی ﷺ نے فرمایا:  جو شخص کسی عورت کو اسکے خاوند کے خلاف یا غلام کو اسکے آقا کے خلاف بھڑکائے وہ ہم میں سے نہیں۔

مشکوٰۃ 3262 (صحیح)

ﷲﷻ سے دین پر ثابت قدمی مانگو

بِسْمِ اللّٰهِ الرَّحْمٰنِ الرَّحِیْمِ

حضرت ام سلمہ ؓ سے پوچھا: اے ام المومنین! جب رسولِ کریم ﷺ آپ كے پاس ہوتے تو كونسی دُعا زیادہ كرتےتھے؟ انہوں نے كہا: آپﷺ اكثر یہ دُعا کیا كرتےتھے: *يَا مُقَلِّبَ الْقُلُوبِ ثَبِّتْ قَلْبِي عَلَى دِينِكَ*۔ اے دلوں كو پھیرنے والے میرا دل اپنے دین پر ثابت كر دے۔ آپﷺ سے اس بارے میں پوچھا گیا تو آپﷺ نے فرمایا: ہر آدمی كا دل ﷲﷻ كی دو انگلیوں كے درمیان ہوتا ہے ۔جس كا دل چاہے ثابت ركھے جس كا دل چاہے ٹیڑھا كر دے۔

السلسلۃ 1646 (صحیح)

جہاد باالنفس سب سے افضل ھے

بِسْمِ اللّٰهِ الرَّحْمٰنِ الرَّحِیْمِ

افضل مومن وہ ہے جس كے ہاتھ اور زبان سے دوسرے مسلمان محفوظ رہیں، اور افضل جہاد ﷲﷻ كے لئے اپنے نفس سےجہاد كرنا ہے، اور افضل مہاجر وہ ہےجس نے ﷲ تعالٰی كے لئے اپنے نفس اورخواہش سےجہاد كیا۔

السلسلۃ 956 (صحیح)

چغل خوری کی سزا

بِسْمِ اللّٰهِ الرَّحْمٰنِ الرَّحِیْمِ

ہم حضرت حذیفہ ؓ کے پاس موجود تھے، ان سے کہا گیا کہ ایک شخص ایسا ہے جو یہاں کی باتیں حضرت عثمان ؓ سے جا کر لگاتا ہے۔ اس پر حضرت حذیفہ ؓ نے کہا کہ میں نے نبی کریم ﷺ سے سنا ہے آپ ﷺ نے بتلایا کہ جنت میں چغل خور نہیں جائے گا۔

صحیح البخاری 6056 (صحیح)

ﷲﷻ کے بہترین و بدترین بندے

بِسْمِ اللّٰهِ الرَّحْمٰنِ الرَّحِیْمِ

خَاتَمِ النَّبِیِّیْن رسولِ کریم ﷺ نے فرمایا: ’’ ﷲﷻ کے بہترین بندے وہ ہیں کہ جب انہیں دیکھا جائے تو ﷲ یاد آجائے، جبکہ ﷲ کے بندوں میں سے بدترین لوگ چغل خور ، پیاروں کے درمیان جدائی ڈالنے والے اور (گناہوں سے) لاتعلق لوگوں پر برائی کا الزام لگانے والے ہیں۔ 

مشکوٰۃ 4872 (صحیح)

عیادت کرنے پر بیمار کے لیے دُعا

بِسْمِ اللّٰهِ الرَّحْمٰنِ الرَّحِیْمِ

صادق و امین رسولِ کریم ﷺ نے فرمایا: ’’ جس نے کسی ایسے مریض کی عیادت کی جس کی ابھی اجل (موت) نہ آئی ہو تو سات بار اسکے پاس یہ دُعا: [ *أَسْأَلُ اللَّهَ الْعَظِيمَ، ‏‏‏‏‏‏رَبَّ الْعَرْشِ الْعَظِيمِ، ‏‏‏‏‏‏أَنْ يَشْفِيَكَ* ] ’’ میں ﷲ سے سوال کرتا ہوں جو عظمت اور بڑائی والا اور عرش عظیم کا رب ہے کہ تجھے شفا عنایت فرمائے۔‘‘ پڑھے، تو ﷲﷻ اسے اس بیماری سے عافیت دے دے گا۔

سنن ابوداؤد 3106 (صحیح)

صدقہ کرنے کی اہمیت وفضیلت

بِسْمِ اللّٰهِ الرَّحْمٰنِ الرَّحِیْمِ

خَاتَمُ الْمُرْسَلین رسولِ کریم ﷺ نے فرمایا: ” انسان کے بدن کے ( تین سو ساٹھ جوڑوں میں سے ) ہر جوڑ پر ہر اس دن کا صدقہ واجب ہے جس میں سورج طلوع ہوتا ہے اور لوگوں کے درمیان انصاف کرنا بھی ایک صدقہ ہے۔

صحیح البخاری 2707 (صحیح)

غیبت کرنے والوں سے بدبو آتی ھے

بِسْمِ اللّٰهِ الرَّحْمٰنِ الرَّحِیْمِ

 حضرت جابر رضی اللہ عنہ سے مروی ہے کہ ایک مرتبہ ہم لوگ نبی اکرم ﷺ کے ساتھ تھے کہ ایک مردار کی بدبو اٹھنے لگی، نبی کریم ﷺ نے فرمایا کیا تم جانتے ہو کہ یہ کیسی بدبو ہے؟ یہ ان لوگوں کی بدبو ہے جو مومنین کی غیبت کرتے ہیں ۔

مسند احمد 14844 (صحیح)

صلہ رحمی کرنے کا بیان

بِسْمِ اللّٰهِ الرَّحْمٰنِ الرَّحِیْمِ

رَحْمَۃً لِّلْعَالَمِیْن رسولِ کریم ﷺ نے فرمایا: ”صلہ رحمی کرنے والا وہ نہیں ہے جو بدلہ چکائے، بلکہ حقیقی صلہ رحمی کرنے والا وہ ہے جو رشتہ ناتا توڑنے پر بھی صلہ رحمی کرے“۔

جامع الترمذی 1908 (صحیح)

بلا ضرورت بولنے کی ممانعت

بِسْمِ اللّٰهِ الرَّحْمٰنِ الرَّحِیْمِ

رَحْمَۃً لِّلْعَالَمِیْن رسولِ کریم ﷺ نے فرمایا: جو شخص ﷲﷻ پر اور قیامت کے دن پر ایمان رکھتا ہے، اسے چاہیے کہ اچھی بات کہے یا خاموش رہے۔

سنن ابن ماجہ 3971 (صحیح)

جھوٹی قسم کی نحوست

بِسْمِ اللّٰهِ الرَّحْمٰنِ الرَّحِیْم

 

صادق و امین رسولِ کریم ﷺ ‌نے فرمایا: " جس شخص نے کسی مسلمان کا مال جھوٹی قسم کھا کر ہتھیا لیا اس کے دل میں ایک سیاہ نقطہ لگ جائے گا، قیامت تک اسے کوئی چیز صاف نہیں کر سکے گی

السلسلۃ 1180(صحیح)

دینِ اسلام میں نماز کی اہمیت

بِسْمِ اللّٰهِ الرَّحْمٰنِ الرَّحِیْم

 

ہمارے پیارے نبی حضرت محمد مصطفٰی ﷺ نے فرمایا:  (مومن) بندے اور کفر کے درمیان فرق نماز کا ترک کرنا ہے۔

مشکوٰۃ 569 (صحیح)

شراب سے تعلق رکھنے والوں پر لعنت

بِسْمِ اللّٰهِ الرَّحْمٰنِ الرَّحِیْم

 

رسولِ کریم ﷺ نے شراب سے متعلق دس قسم کے افراد پر لعنت فرمائی: اسکے بنانے والے، اسکے بنوانے والے، اسکے پینے والے، اسے اٹھانے والے، جس کے پاس لے جائی جائے، اسکے پلانے والے، اسے بیچنے والے، اسکی قیمت کھانے والے، اسے خریدنے والے اور جس کے لیے خریدی جائے۔

مشکوٰۃ 2776 (صحیح)

بے عمل نصیحت کرنے والے کا انجام

بِسْمِ اللّٰهِ الرَّحْمٰنِ الرَّحِیْم

 

صادق و امین رسولِ کریم ﷺ نے فرمایا شبِ معراج میں ایسے لوگوں کے پاس سے گذرا جن کے منہ آگ کی قینچیوں سے کاٹے جارہے تھے، میں نے پوچھا یہ کون لوگ ہیں؟ بتایا گیا کہ یہ دنیا کے خطباء ہیں، جو لوگوں کو نیکی کا حکم دیتے تھے اور اپنے آپ کو بھول جاتے تھے اور کتاب ( قرآن ) کی تلاوت کرتے تھے، کیا یہ سمجھتے نہ تھے ۔

مسند احمد 13549 (صحیح)

صدقہ کرنے کے بارے میں حکم

بِسْمِ اللّٰهِ الرَّحْمٰنِ الرَّحِیْم

 

رَحْمَۃً لِّلْعَالَمِیْن رسولِ کریم ﷺ نے فرمایا: مسکین پر خرچ کرنا صرف اکیلا صدقہ ہے اور قریبی رشتہ داروں پر صدقہ کرنے کا ثواب دہرا ہے، ایک صدقے کا اور دوسرا صلہ رحمی کا۔

مسند احمد 16342 (صحیح)

ذکر واذکار کی اہمیت وفضیلت

بِسْمِ اللّٰهِ الرَّحْمٰنِ الرَّحِیْم

صادق و امین رسولِ کریم ﷺ نے فرمایا: معراج کی رات میں ابراہیم علیہ السلام سے ملا تو انہوں نے کہا: اے محمد ﷺ ! اپنی امت کو میری طرف سے سلام کہنا اور انہیں بتانا کہ جنت عمدہ مٹی والی، میٹھے پانی والی ہے اور نرم زمین والی ہے اور جنت چٹیل میدان ہے جس کی شجرکاری (یہ کلمات ہیں) سُبْحَانَ اللهِ وَالْحَمْدُ لِلهِ وَلَا إِلَهَ إِلَّا اللهُ وَاللهُ أَكْبَرُ (وَلا حَوْلَ وَلا قُوَّةَ إِلا بِاللهِ) ہیں۔

السلسلۃ 2921 (صحیح)

نظر بد اور اس کا علاج

بِسْمِ اللّٰهِ الرَّحْمٰنِ الرَّحِیْم

ہمارے پیارے نبی حضرت محمد مصطفٰی ﷺ جنوں اور انسان کی نظرِ بد سے پناہ مانگا کرتے تھے، یہاں تک کہ معوذتین ( سورۃ الفلق اور سورۃ الناس ) نازل ہوئیں، جب یہ سورتیں اتر گئیں تو آپ ﷺ نے ان دونوں کو لے لیا اور ان کے علاوہ کو چھوڑ دیا۔

جامع الترمذی 2058 (صحیح)

ﷲﷻ بہت غفور الرحیم ھے

بِسْمِ اللّٰهِ الرَّحْمٰنِ الرَّحِیْم

ہمارے پیارے نبی حضرت محمد مصطفٰی ﷺ نے فرمایا: ’’ مسلمان کو جو بھی پریشانی، غم، رنج، تکلیف اور دکھ پہنچتا ہے حتیٰ کہ اگر اسے کوئی کانٹا بھی چبھتا ہے تو ﷲ تعالٰی اس (تکلیف) کی وجہ سے اس کے گناہ معاف فرما دیتا ہے۔

مشکوٰۃ 1537 (متفق علیہ)

میت کی پہلی رات قبر میں

بِسْمِ ﷲِ الرَّحْمٰنِ الرَّحِيْمِ.

مُخبرِ صادق حضرت محمد مصطفٰی ﷺ نے فرمایا:  جب میت قبر میں پہنچتی ہے تو اسے سورج ڈوبتا نظر آتا ہے۔ وہ آنکھیں ملتا ہوا اٹھ بیٹھتا ہے اور کہتا ہے: مجھے چھوڑو نماز (عصر ) پڑھ لینے دو۔

سنن ابن ماجہ 4272 (صحیح)

دینِ اسلام میں معاملات کی اہمیت

بِسْمِ ﷲِ الرَّحْمٰنِ الرَّحِيْمِ.

ہمارے پیارے نبی حضرت محمد مصطفٰی ﷺ نے فرمایا: ” تم لوگوں میں سے کوئی شخص کسی بھی نیک کام کو حقیر نہ سمجھے، اگر کوئی نیک کام نہ مل سکے تو اپنے بھائی سے مسکرا کر ملے، اور اگر تم گوشت خریدو یا ہانڈی پکاؤ تو شوربا ( سالن ) بڑھالو اور اس میں سے چلو بھر اپنے پڑوسی کو دے دو“۔ 

جامع الترمذی 1833 (صحیح)

جمعہ کو قبولیتِ دُعا کی گھڑی

بِسْمِ ﷲِ الرَّحْمٰنِ الرَّحِيْمِ.

ہمارے پیارے نبی حضرت محمد مصطفٰیﷺ نے فرمایا: ”جمعہ کے روز اس گھڑی کو جس میں دُعا کی قبولیت کی اُمید کی جاتی ہے عصر سے لے کر سورج ڈوبنے تک کے درمیان تلاش کرو“۔

جامع الترمذی 489 (صحیح)

تمام انبیاء کرام ﷲ کے بندے ہیں

بِسْمِ اللّٰهِ الرَّحْمٰنِ الرَّحِیْمِ

مُخبرِ صادق حضرت محمد مصطفٰی ﷺ نے فرمایا:  مجھے میرے مرتبے سے زیادہ نہ بڑھاؤ جیسے عیسیٰ ابن مریم علیہما السلام کو نصاریٰ نے ان کے مرتبے سے زیادہ بڑھا دیا ہے۔ میں تو صرف ﷲﷻ کا بندہ ہوں، اس لیے یہی کہا کرو ( میرے متعلق ) کہ میں اللّٰه کا بندہ اور اس کا رسول ہوں۔

صحیح البخاری 3445 (صحیح)

دوغلے پن کا عذاب

بِسْمِ اللّٰهِ الرَّحْمٰنِ الرَّحِیْمِ

مُحسنِ انسانیت سرورِ کائنات حضرت محمد مصطفٰی ﷺ نے فرمایا : جس کے دنیا میں دو منہ ہوئے ( جو آدمی دو رخا ہوا ) قیامت کے روز اسکی دو زبانیں ہوں گی جو آگ کی ہوں گے۔

سنن ابوداؤد 4873 (صحیح)

اولاد کے مال پر والدین کا حق

بِسْمِ ﷲِ الرَّحْمٰنِ الرَّحِيْم

ایک آدمی نبيِ رحمت ﷺ کی خدمت میں حاضر ہوا اور عرض کیا: اے ﷲ کے رسولﷺ ! میرے پاس مال ہے اور اولاد بھی، اور میرا والد میرے مال کا ضرورت مند رہتا ( یعنی لیتا رہتا ) ہے ۔ آپ ﷺ نے فرمایا: ’’ تم اور تمہارا مال تمہارے والد کا ہے۔ بیشک تمہاری اولادیں تمہاری بہترین کمائی ہیں، چنانچہ تم اپنی اولادوں کی کمائی سے کھا سکتے ہو۔

سنن ابوداؤد 3530 (صحیح)

صدقہ کرنے کی اہمیت وفضیلت

بِسْمِ ﷲِ الرَّحْمٰنِ الرَّحِيْم

صادق و امین رسولِ کریم ﷺ نے جب ہمیں صدقہ کرنے کا حکم دیا تو ہم میں سے بہت سے بازار جاکر بوجھ اٹھانے کی مزدوری کرتے اور اس طرح ایک مد ( غلہ یا کھجور وغیرہ ) حاصل کرتے ( جسے صدقہ کر دیتے )۔ لیکن آج ہم میں سے بہت سوں کے پاس لاکھ لاکھ ( درہم یا دینار ) موجود ہیں۔

صحیح البخاری 1416 (صحیح)

اہل وعیال کی کفالت پر سوال ھوگا

بِسْمِ ﷲِ الرَّحْمٰنِ الرَّحِيْم

رَحْمَۃً لِّلْعَالَمِیْن رسولِ کریم ﷺ نے فرمایا:  ﷲﷻ ہر نگران سے اُسكی رعایا كے بارے میں سوال كرے گا۔ اس نے رعایا كی حفاظت كی یا اسے ضائع كر دیا۔ حتٰی كہ آدمی سے اسكے گھر والوں كے بارے میں بھی پوچھا جائے گا۔

السلسلۃ 1730 (صحیح)

تہجد کی نیت کرنے پر بھی اجر وثواب

بِسْمِ ﷲِ الرَّحْمٰنِ الرَّحِيْم

ہمارے پیارے نبی حضرت محمد مصطفٰی ﷺ نے فرمایا:  جو شخص اپنے بستر پر ( سونے کے لیے ) آتا ہے اور اسکی نیت ہوتی ہے کہ وہ رات کو اٹھ کر نماز پڑھے گا، پھر اس پر صبح تک نیند غالب آجاتی ہے، اسکے لیے اسکی نیت کے مطابق ( پورا ثواب ) لکھا جائے گا اور اسکی نیند اسکے رب کی طرف سے اس پر صدقہ ہوگی۔

سنن ابنِ ماجہ 1344 (صحیح)

دعا مانگنے کا سلیقہ

بِسْمِ ﷲِ الرَّحْمٰنِ الرَّحِيْمِ

حضرت عبداللہ بن مسعود ؓ بیان کرتے ہیں، میں نماز پڑھ رہا تھا، جبکہ نبی کریم ﷺ، حضرت ابوبکر ؓ اور حضرت عمر ؓ کے ساتھ تشریف فرما تھے، جب میں بیٹھا تو میں نے سب سے پہلے اللہ تعالٰی کی ثنا بیان کی، پھر نبی اکرم ﷺ پر درود بھیجا، پھر اپنے لیے دُعا کی تو نبی کریمﷺ نے فرمایا: ’’ مانگو ! دیا جائے گا، مانگو ! دیا جائے گا ۔ 

مشکوٰۃ 931 (صحیح)

دینِ اسلام میں نماز کی اہمیت

بِسْمِ ﷲِ الرَّحْمٰنِ الرَّحِيْمِ

رسولِ کریم ﷺ نے فرمایا: ’’ بندے اور کفر کے درمیان فرق نماز چھوڑ دینا ہے۔

سنن ابوداؤد 4678 (صحیح)

نمازی کے لئے فرشتوں کی دُعا

بِسْمِ ﷲِ الرَّحْمٰنِ الرَّحِيْمِ

صادق و امین رسولِ کریم ﷺ نے فرمایا: کوئی شخص نماز کی وجہ سے جب تک کہیں ٹھہرا رہے گا اس کا یہ سارا وقت نماز میں شمار ہوگا اور ملائکہ اسکے لیے یہ دعا کرتے رہیں گے کہ " اے ﷲ ! اس کی مغفرت فرما، اور اس پر اپنی رحمت نازل کر ( اس وقت تک ) جب تک وہ نماز سے فارغ ہوکر اپنی جگہ سے اٹھ نہ جائے یا بات نہ کرے ۔

صحیح البخاری 3229 (صحیح)

زبانِ خلق کو نقارہ خدا سمجھو

بِسْمِ ﷲِ الرَّحْمٰنِ الرَّحِيْمِ

صادق و امین رسولِ کریم‌ ﷺ نے فرمایا: ’’جنتی آدمی وہ ہے جس کے کانوں کو ﷲﷻ لوگوں کی اچھی رائے سے بھر دیتا ہے، اور وہ سن رہا ہوتا ہے ( کہ لوگ میری تعریف کر رہے ہیں۔) اور جہنمی وہ ہے جس کے کانوں کو ﷲ تعالٰی لوگوں کی بُری رائے سے بھر دیتا ہے اور وہ سن رہا ہوتا ہے ( کہ لوگ مجھے اچھا نہیں سمجھتے۔‘‘) 

سنن ابنِ ماجہ 4224 (صحیح)

اللّٰہ تبارک وتعالٰی کے ذکر کی فضیلت

بِسْمِ اللّٰهِ الرَّحْمٰنِ الرَّحِیْمِ

 

رَحْمَۃً لِّلْعَالَمِیْن رسولِ کریم ﷺ نے فرمایا :  اس شخص کی مثال جو اپنے رب کو یاد کرتا ہے اور اس کی مثال جو اپنے رب کو یاد نہیں کرتا زندہ اور مردہ جیسی ہے۔

صحیح البخاری 6407 (صحیح)

مسلمان کی مدد کرنے کا اجر وثواب

بِسْمِ ﷲِ الرَّحْمٰنِ الرَّحِيْمِ

  نبيِ رحمت ﷺ نے فرمایا: جس نے کسی مسلمان سے دنیا کا ایک دکھ دور کیا ﷲ عزوجل اس سے قیامت کے روز کا ایک دکھ دور کرے گا۔ اور جس نے کسی مشکل میں پڑے شخص کے لیے آسانی کی، ﷲ اس کے لیے دنیا اور آخرت میں آسانی کرے گا۔ اور جس نے کسی مسلمان کی پردہ داری کی ﷲ عزوجل دنیا اور آخرت میں اس کی پردہ داری کرے گا اور ﷲ عزوجل اس وقت تک بندے کی مدد میں رہتا ہے جب تک کہ بندہ اپنے بھائی کی مدد میں رہے

سنن ابوداؤد4946 (صحیح)

معوذتین و سورہ اخلاص کی فضیلت

بِسْمِ اللّٰهِ الرَّحْمٰنِ الرَّحِیْمِ

 

ایک رات ہلکی سی بارش ہوئی، سخت اندھیرا تھا۔ ہم انتظار میں تھے کہ رسولِ کریمﷺ تشریف لائیں اور نماز پڑھائیں۔ پھر رسول اکرم ﷺ نماز کے لیے تشریف لائے اور ( مجھے ) فرمایا: ’’ پڑھ ‘‘ میں نے کہا: کیا پڑھوں ؟ آپﷺ نے فرمایا:’’ سورۂ ( قل ھو اللہ احد ) اور معوذتین صبح و شام تین تین دفعہ پڑھا کر۔ تجھے ہر مصیبت میں کفایت کریں گی۔

سنن النسائی 5430 (صحیح)

کھانا کھانے کے آداب

بِسْمِ اللّٰهِ الرَّحْمٰنِ الرَّحِیْمِ

 

میں بچہ تھا اور رسولِ کریم ﷺ کی پرورش میں تھا اور ( کھاتے وقت ) میرا ہاتھ برتن میں چاروں طرف گھوما کرتا۔ اس لیے آپ ﷺ نے مجھ سے فرمایا : بیٹے ! بسم اللّٰہ پڑھ لیا کر، داہنے ہاتھ سے کھایا کر، اور برتن میں وہاں سے کھایا کر جو جگہ تجھ سے نزدیک ہو۔ چنانچہ اسکے بعد میں ہمیشہ اسی ہدایت کے مطابق کھاتا رہا۔

صحیح البخاری 5376 (صحیح)

اللَّهُمَّ أَجِرْنِي مِنَ النَّارِ کی فضیلت

بِسْمِ اللّٰهِ الرَّحْمٰنِ الرَّحِیْمِ

خَاتَمُ الْمُرْسَلین رسولِ کریم ﷺ فرمایا: ’’ جب تم نمازِ مغرب سے سلام پھیرو تو سات بار ( اللَّهُمَّ أَجِرْنِي مِنَ النَّارِ ) کہہ لیا کرو۔ اے اللّٰه ! مجھے جہنم کی آگ سے محفوظ رکھ۔ اگر تم یہ کہہ لو اور اُسی رات مرجاؤ تو تمہارے لیے جہنم سے بچاؤ لکھ دیا جائے گا اور جب صبح کی نماز پڑھ چکو تو اسی طرح کہہ لیا کرو، اگر تم اس دن میں مر گئے، تو تمہارے لیے جہنم سے بچاؤ لکھ دیا جائے گا۔

سنن ابوداؤد 5079 (صحیح)

اہلِ جہنم کے حالات

بِسْمِ اللّٰهِ الرَّحْمٰنِ الرَّحِیْمِ

صادق و امین رسولِ کریم ﷺ ‌نے فرمایا: اہل جہنم اتنا رؤیں گے کہ اگر ان کے آنسوؤں میں کشتیاں چلائی جائیں تو وہ بھی چل پڑیں، وہ پانی كی جگہ خون كے آنسو روئیں گے

السلسلۃ 1452(صحیح)

اللّٰه میری مدد کے لیے کافی ھے

بِسْمِ اللّٰهِ الرَّحْمٰنِ الرَّحِیْمِ

جب ابراہیم علیہ السلام کو آگ میں ڈالا گیا تو آخری کلمہ جو آپ علیہ السلام کی زبانِ مبارک سے نکلا : حَسْبِيَ اللَّهُ وَنِعْمَ الْوَكِيلُ تھا یعنی میری مدد کے لیے اللّٰه کافی ہے اور وہی بہترین کام بنانے والا ہے ۔

صحیح البخاری 4564 (صحیح)

صدقہ کرنے کے سنہری اصول

بِسْمِ اللّٰهِ الرَّحْمٰنِ الرَّحِیْمِ

رَحْمَۃً لِّلْعَالَمِیْن رسولِ کریم ﷺ نے فرمایا: بہترین صدقہ وہ ہے جس کے بعد بھی صدقہ کرنے والا غنی رہے، اور اوپر والا ہاتھ نیچے والے ہاتھ سے بہتر ہے، اور سب سے پہلے اسے دے جس کا تو ذمہ دار ہے۔ 

سنن النسائی 2535 (صحیح)

ﷲﷻ بد زبان سے نفرت کرتا ھے

بِسْمِ اللّٰهِ الرَّحْمٰنِ الرَّحِیْمِ

ہمارے پیارے نبی حضرت محمد مصطفٰی ﷺ نے فرمایا: ”قیامت کے دن مومن کے میزان میں اِخلاق حُسنہ سے بھاری کوئی چیز نہیں ہوگی اور ﷲ تعالٰی بےحیاء، بدزبان سے نفرت کرتا ہے“۔ 

جامع الترمذی 2002 (صحیح)

ﷲﷻ سے جنت الفردوس مانگو

بِسْمِ اللّٰهِ الرَّحْمٰنِ الرَّحِیْمِ

صادق و امین رسولِ کریم‌ ﷺ نے فرمایا:  جنت کے سو درجے ہیں۔ ہر درجہ اتنا بلند و بالا ہے جتنا آسمان اور زمین کے درمیان فاصلہ ہے۔ سب سے بلند جنت الفردوس ہے۔ جنت کا درمیانی ( یا اعلیٰ ترین ) مقام فردوس ہے ۔ عرش الٰہی فردوس پر ہے ۔ اسی سے جنت کی نہریں پھوٹتی ہیں، اس لیے تم جب ﷲﷻ سے مانگو تو جنت الفردوس مانگا کرو۔

سنن ابنِ ماجہ 4331 (صحیح)

مومن کی چار صفات

بِسْمِ اللّٰهِ الرَّحْمٰنِ الرَّحِیْمِ

صادق و امین رسولِ کریم ﷺ نے فرمایا: مومن طعنہ دینے والا، لعنت کرنے والا، بےحیاء اور بد زبان نہیں ہوتا ہے

جامع الترمذی 1977 (صحیح)

باہمی بغض و عداوت کی ممانعت

بِسْمِ اللّٰهِ الرَّحْمٰنِ الرَّحِیْمِ

رسولِ کریمﷺ نے فرمایا: پیر اور جمعرات کے دن جنت کے دروازے کھول دیے جاتے ہیں اور ہر اس بندے کی مغفرت کردی جاتی ہے جو ﷲﷻ کے ساتھ کسی کو شریک نہیں بناتا، اس بندے کے سوا جس کی اپنے بھائی کے ساتھ عداوت ہو، چنانچہ کہا جاتا ہے: ان دونوں کو مہلت دو حتٰی کہ یہ صلح کرلیں، ان دونوں کو مہلت دو حتٰی کہ یہ صلح کرلیں۔ ان دونوں کو مہلت دو حتٰی کہ یہ صلح کرلیں۔‘‘ ( اور صلح کے بعد ان کی بھی بخشش کر دی جائے۔)  

صحیح مسلم 6544 (صحیح)

اللّٰہ توبہ کرنے والوں کو پسند کرتا ھے

بِسْمِ اللّٰهِ الرَّحْمٰنِ الرَّحِیْمِ

خَاتَمُ الْمُرْسَلین رسولِ کریم ﷺ نے فرمایا: ”سارے انسان خطاکار ہیں اور خطا کاروں میں سب سے بہتر وہ ہیں جو توبہ کرنے والے ہیں“۔ 

جامع الترمذی 2499 (صحیح)

اذان سن کر دُعا مانگنے کی فضیلت

بِسْمِ اللّٰهِ الرَّحْمٰنِ الرَّحِیْمِ

رَحْمَۃً لِّلْعَالَمِیْن رسولِ کریم ﷺ نے فرمایا: جو شخص اذان سن کر یہ کہے 

اللَّهُمَّ رَبَّ هَذِهِ الدَّعْوَةِ التَّامَّةِ وَالصَّلَاةِ الْقَائِمَةِ آتِ مُحَمَّدًا ۨ الْوَسِيلَةَ وَالْفَضِيلَةَ وَابْعَثْهُ مَقَامًا مَحْمُودًا ۨ الَّذِي وَعَدْتَهُ

 

اسے قیامت کے دن میری شفاعت ملے گی ۔

صحیح البخاری 614 (صحیح)

دُعا مانگنے کی اہمیت وفضیلت

بِسْمِ اللّٰهِ الرَّحْمٰنِ الرَّحِیْمِ

ہمارے پیارے نبی حضرت محمد مصطفٰی ﷺ نے فرمایا: " جو ﷲ تعالٰی سے سوال نہیں کرتا، ﷲﷻ اس سے ناراض اور ناخوش ہوتا ہے“۔  

جامع الترمذی 3373 (صحیح)

تحفہ کے بارے میں بیان

بِسْمِ اللّٰهِ الرَّحْمٰنِ الرَّحِیْمِ

رَحْمَۃً لِّلْعَالَمِیْن رسولِ کریم ﷺ نے فرمایا: ”جسے کوئی تحفہ دیا جائے پھر اگر اسے میسر ہو تو اس کا بدلہ دے اور جسے میسر نہ ہو تو وہ ( تحفہ دینے والے کی ) تعریف کرے، اس لیے کہ جس نے تعریف کی اس نے اس کا شکریہ ادا کیا اور جس نے نعمت کو چھپا لیا اس نے کفران نعمت کیا، اور جس نے اپنے آپ کو اس چیز سے سنوارا جو وہ نہیں دیا گیا ہے، تو وہ جھوٹ کے دو کپڑے پہننے والے کی طرح ہے“۔ 

جامع الترمذی 2034 (صحیح)

خادم (ملازم) کے ساتھ درگزر کا بیان

بِسْمِ اللّٰهِ الرَّحْمٰنِ الرَّحِیْمِ

نبيِ رحمت ﷺ کے پاس ایک آدمی نے آ کر پوچھا: اللّٰه کے رسول ﷺ ! میں اپنے خادم کی غلطیوں کو کتنی بار معاف کروں؟ آپ ﷺ اس شخص کے اس سوال پر خاموش رہے، اس نے پھر پوچھا: اللّٰه کے رسول ﷺ ! میں اپنے خادم کی غلطیوں کو کتنی بار معاف کرو؟ آپ ﷺ نے فرمایا: ”ہر دن 70 ( ستر ) بار معاف کرو“۔ 

جامع الترمذی 1949 (صحیح)

ہر نماز بعد مسنون دُعا

بِسْمِ اللّٰهِ الرَّحْمٰنِ الرَّحِیْمِ

رسولِ کریم ﷺ نے ہاتھ پکڑا اور فرمایا: اے معاذ ؓ ! اللّٰه کی قسم ! مجھے تم سے محبت ہے۔ پھر فرمایا: اے معاذ ؓ ! میں تمہیں وصیت کرتا ہوں کہ کسی نماز کے بعد یہ دُعا ہرگز ترک نہ کرنا: ( اللَّهُمَّ أَعِنِّي عَلَى ذِكْرِكَ وَشُكْرِكَ وَحُسْنِ عِبَادَتِكَ ) ’’ اے اللہ ! اپنا ذکر کرنے ، شکر کرنے اور بہترین انداز میں اپنی عبادت کرنے میں میری مدد فرما۔‘‘ 

سنن ابوداؤد 1522 (صحیح)

مومن اور فاجر میں فرق

بِسْمِ اللّٰهِ الرَّحْمٰنِ الرَّحِیْمِ

صادق و امین رسولِ کریم ﷺ نے فرمایا: مومن بھولا بھالا اور شریف ہوتا ہے، اور فاجر دھوکہ باز اور کمینہ خصلت ہوتا ہے۔

جامع الترمذی 1964 (صحیح)

اللّٰہ پر ایمان لانے کے بعد افضل عمل

بِسْمِ اللّٰهِ الرَّحْمٰنِ الرَّحِیْمِ

صادق و امین رسولِ کریم ﷺ نے فرمایا: ’’ سب سے افضل اعمال ( یا عمل ) وقت پر نماز پڑھنا اور والدین سے حسنِ سلوک کرنا ہیں۔

صحیح مسلم 256 (صحیح)

کھانے سے پہلے بسم اللہ پڑھنا

بِسْمِ اللّٰهِ الرَّحْمٰنِ الرَّحِیْمِ

ہمارے پیارے نبی حضرت محمد مصطفٰیﷺ نے فرمایا: ’’ تم میں سے جب کوئی کھانا کھانے لگے تو چاہیے کہ اللّٰه تعالٰی کا نام لے، اگر شروع میں بھول جائے تو چاہیے کہ یوں کہے

بِسْمِ اللَّهِ أَوَّلَهُ وَآخِرَهُ

اللّٰه کے نام سے اس ( کھانے ) کے شروع میں اور آخر میں بھی۔ 

سنن ابوداؤد 3767 (صحیح)

صدقہ کرنے کی اہمیت وفضیلت

بِسْمِ اللّٰهِ الرَّحْمٰنِ الرَّحِیْمِ

صادق و امین رسولِ کریم ﷺ نے فرمایا: روزِ قیامت مومن کا صدقہ ہی اسکے لیے باعث سایہ ہوگا۔

مشکوٰۃ 1925 (صحیح)

جادو کرنے یا کروانے کی ممانعت

بِسْمِ اللّٰهِ الرَّحْمٰنِ الرَّحِیْمِ

 

مُخبرِ صادق حضرت محمد مصطفٰیﷺ سے جادو ، منتر (سفلی عمل کو سفلی علم سے دور کرنے) کے متعلق پوچھا گیا تو آپ ﷺ نے فرمایا:  وہ شیطانی عمل ہے۔

مشکوٰۃ 4553 (صحیح)

سب سے زیادہ محبوب ذکر

بِسْمِ اللّٰهِ الرَّحْمٰنِ الرَّحِیْمِ

 

رَحْمَۃً لِّلْعَالَمِیْن رسولِ کریم ﷺ نے فرمایا: یہ بات کہ میں: سُبْحَانَ اللَّهِ وَالْحَمْدُ لِلَّهِ وَلَا إِلَهَ إِلَّا اللَّهُ وَاللَّهُ أَكْبَرُ کہوں، مجھے ان تمام چیزوں سے زیادہ محبوب ہے جن پر سورج طلوع ہوتا ہے۔ 

صحیح مسلم 6847 (صحیح)

والدین کیلئے اولاد کی کمائی کا حکم

بِسْمِ اللّٰهِ الرَّحْمٰنِ الرَّحِیْمِ

 

محبوب رب العالمین حضرت محمد مصطفٰی ﷺ نے فرمایا:  تمہاری اولاد تمہاری بہترین کمائی ہے، لہٰذا تم اپنی اولاد کی کمائی کھا سکتے ہو ۔

سنن النسائی 4455 (صحیح)

درود شریف کی فضیلت

بِسْمِ اللّٰهِ الرَّحْمٰنِ الرَّحِیْمِ

 

ہمارے پیارے نبی حضرت محمد مصطفٰی ﷺ نے فرمایا: جس نے مجھ پر ایک بار درود بھیجا ﷲﷻ اس پر دس بار رحمت نازل فرمائے گا۔

صحیح مسلم 912 (صحیح)

لوگوں پر مہربانی کرنے کا بیان

بِسْمِ اللّٰهِ الرَّحْمٰنِ الرَّحِیْمِ

رَحْمَۃً لِّلْعَالَمِیْن رسولِ کریم ﷺ کو فرماتے سنا: ”صرف بد بخت ہی ( کے دل ) سے رحم ختم کیا جاتا ہے“۔

جامع الترمذی 1923 (صحیح)

وصیت کرنے کی اہمیت

بِسْمِ اللّٰهِ الرَّحْمٰنِ الرَّحِیْمِ

 ہمارے پیارے نبی حضرت محمد مصطفٰی ﷺ نے فرمایا:  کسی مسلمان کے لیے جس کے پاس وصیت کے قابل کوئی بھی مال ہو درست نہیں کہ دو رات بھی وصیت کو لکھ کر اپنے پاس محفوظ رکھے بغیر گزارے ۔

صحیح البخاری 2738 (صحیح)

صدقہ کرنے کی اہمیت وفضیلت

بِسْمِ اللّٰهِ الرَّحْمٰنِ الرَّحِیْمِ

صادق و امین رسولِ کریم ﷺ نے جہنم کا ذکر کیا اور روئے مبارک پھیر لیا اور اس سے پناہ مانگی۔ پھر جہنم کا ذکر کیا اور روئے مبارک پھیر لیا اور اس سے پناہ مانگی۔ اسکے بعد فرمایا کہ دوزخ سے بچو صدقہ دے کر خواہ کھجور کے ایک ٹکڑے ہی کے ذریعہ ہوسکے، جسے یہ بھی نہ ملے اسے چاہئے کہ اچھی بات کہہ کر۔

صحیح البخاری 6563 (صحیح)

نماز کے بارے میں پوچھا جائے گا

بِسْمِ اللّٰهِ الرَّحْمٰنِ الرَّحِیْمِ

مُخبرِ صادق حضرت محمد مصطفٰی ﷺ نے فرمایا: سب سے پہلے بندے سے اسکی نماز کا حساب لیا جائے گا۔ اگر اس نے نمازوں کو مکمل کیا ہوگا ( تو درست ) ورنہ ﷲﷻ ( فرشتوں سے ) فرمائے گا: دیکھو ! کیا میرے بندے کے نامۂ اعمال میں کوئی نفل ہیں؟ اگر نفل پائے گئے تو ﷲ تعالٰی فرمائے گا، ان سے فرضوں کی کمی کو پورا کر دو۔

سنن النسائی 468 (صحیح)

غصہ پی جانے والے کی فضیلت

بِسْمِ اللّٰهِ الرَّحْمٰنِ الرَّحِیْمِ

صادق و امین رسولِ کریم ﷺ نے فرمایا: ’’ تم لوگ زبردست پہلوان ( بہت زیادہ پچھاڑنے والا ) کسے کہتے ہو ؟ ‘‘ صحابہ کرام ؓ نے کہا: جسے لوگ پچھاڑ نہ سکیں۔ آپﷺ نے فرمایا: ’’ نہیں، پہلوان وہ ہے جو غصے کی حالت میں اپنے آپ کو قابو میں رکھے ۔

سنن ابوداؤد 4779 (صحیح)

کسی کو بھی حقیر نہ سمجھو

بسْمِ ﷲِالرَّحْمَنِ الرَّحِيم

ایک مرتبہ نبی کریم ﷺ کو یہ فرماتے ہوئے سنا کہ جنت میں کبر (تکبر) کا معمولی سا حصہ بھی داخل نہیں ہوگا، کسی شخص نے عرض کیا یا رسول اللہﷺ ! میں اس بات کو پسند کرتا ہوں کہ میری سواری اور جوتے کا تسمہ عمدہ ہو ( کیا یہ بھی تکبر ہے ؟) نبی رحمت ﷺ نے فرمایا یہ تکبر نہیں ہے، ﷲﷻ خوبصورت ہے اور خوبصورتی کو پسند فرماتا ہے، تکبر یہ ہے کہ انسان حق بات کو قبول نہ کرے اور اپنی نظروں میں لوگوں کو حقیر سمجھے ۔ 

مسند احمد 17338 (صحیح)

بات کو بڑھا چڑھا کر بیان نہ کرو

بسْمِ ﷲِالرَّحْمَنِ الرَّحِيم

رَحْمَۃً لِّلْعَالَمِیْن رسولِ کریم ﷺ نے فرمایا: ﷲﷻ ایسے مبالغہ کرنے والے شخص کو ناپسند کرتا ہے جو اپنی زبان ایسے چلاتا ہے جیسے گائے چلاتی ہے۔

جامع الترمذی 2853 (صحیح)

جوتا پہننے کا سنت طریقہ

بسْمِ ﷲِالرَّحْمَنِ الرَّحِيم

رَحْمَۃً لِّلْعَالَمِیْن رسولِ کریم ﷺ کا فرمان ھے:  جب تم میں سے کوئی جوتا پہنے تو دائیں (سیدھے) پاؤں میں پہلے پہنے اور جب اتارے تو بائیں (الٹے) پاؤں سے پہلے اتارے, چاہیے کہ سیدھے میں پہلے پہنا جائے اور آخر میں اتارا جائے

صحیح البخاری 5855 (صحیح)

کھیتی باڑی و درخت لگانے کی اہمیت

بِسْمِ اللّٰهِ الرَّحْمٰنِ الرَّحِیْمِ

رسولِ کریم ﷺ نے فرمایا: کوئی بھی مسلمان جو ایک درخت کا پودا لگائے یا کھیتی میں بیج بوئے، پھر اس میں سے پرند یا انسان یا جانور جو بھی کھاتے ہیں وہ اس کی طرف سے صدقہ ہے۔

صحیح البخاری 2320 (صحیح)

قرض دار کو مہلت دینے پر اجر وثواب

بِسْمِ اللّٰهِ الرَّحْمٰنِ الرَّحِیْمِ

ہمارے پیارے نبی حضرت محمد مصطفٰی ﷺ نے فرمایا: جو شخص کسی تنگ دست کو مہلت دیتا ہے، اسے ہر روز صدقے کا ثواب ملتا ہے۔ اور جس نے واجب الادا ہونے کے بعد مزید مہلت دی، اسے بھی یہی ثواب ملتا ہے، ( یعنی ) ہر روز صدقے کا ثواب ہوتا ہے۔

سنن ابنِ ماجہ 2418 (صحیح)

اعمال- قبر میں جانے ساتھ والی چیز

بِسْمِ اللّٰهِ الرَّحْمٰنِ الرَّحِیْمِ

 صادق و امین رسولِ کریم ﷺ نے فرمایا: مردے کے ساتھ قبر تک تین چیزیں جاتی ہیں، پھر دو چیزیں لوٹ آتی ہیں اور ساتھ میں ایک باقی رہ جاتی ہے، اسکے رشتہ دار، اس کا مال اور اسکے اعمال ساتھ میں جاتے ہیں پھر رشتہ دار، اور مال لوٹ آتے ہیں اور صرف اس کا عمل ( نیک یا بد) اسکے ساتھ باقی رہ جاتا ہے۔

جامع الترمذی 2379 (صحیح)

گھر سے نکلتے وقت کی دُعا

بِسْمِ اللّٰهِ الرَّحْمٰنِ الرَّحِیْمِ

 رَحْمَۃً لِّلْعَالَمِیْن رسولِ کریم ﷺ نے فرمایا: ”جو شخص گھر سے نکلتے وقت:

 بِسْمِ اللَّهِ تَوَكَّلْتُ عَلَى اللَّهِ لَا حَوْلَ وَلَا قُوَّةَ إِلَّا بِاللَّهِ

 کہے، اُس سے کہا جائے گا: تمہاری کفایت کر دی گئی، اور تم ( دشمن کے شر سے ) بچا لیے گئے، اور شیطان تم سے دور ہوگیا۔

سنن النسائی 5492 (صحیح)

نیکی واحسان کرنے کا شکریہ ادا کرو

بِسْمِ اللّٰهِ الرَّحْمٰنِ الرَّحِیْمِ

صادق و امین رسولِ کریم ﷺ نے فرمایا:  جو شخص لوگوں کا شکریہ ادا نہیں کرتا ‘ وہ ﷲﷻ کا بھی شکر گزار نہیں ہوتا۔

سنن ابوداؤد 4811 (صحیح)

الحمدللہ کہنے کی فضیلت

بِسْمِ ﷲِ الرَّحْمٰنِ الرَّحِيْمِ

ہمارے پیارے نبی حضرت محمد مصطفٰی ﷺ نے فرمایا:  جب ﷲﷻ بندے کو کوئی نعمت دیتا ہے اور بندہ الحمد للہ کہتا ہے تو بندے نے جو ( شکر ) ادا کیا، وہ ملنے والی نعمت سے افضل ہوتا ہے۔

سنن ابنِ ماجہ 3805 (صحیح)

سلام کرنے کی فضیلت کا بیان

بِسْمِ اللّٰهِ الرَّحْمٰنِ الرَّحِیْمِ

ایک شخص نے نبی کریم ﷺ کے پاس آ کر کہا: السلام عليكم،‏‏‏‏ نبی اکرم ﷺ نے فرمایا: ” ( اس کے لیے ) دس نیکیاں ہیں“، پھر ایک دوسرا شخص آیا اور اس نے کہا: السلام عليكم ورحمة الله،‏‏‏‏ نبی اکرم ﷺ نے فرمایا: ” ( اس کے لیے ) بیس نیکیاں ہیں“، پھر ایک اور آدمی آیا اور اس نے کہا: السلام عليكم ورحمة الله وبركاته،‏‏‏‏ نبی اکرم ﷺ نے فرمایا: ” ( اس کے لیے ) تیس نیکیاں ہیں۔

جامع الترمذی 2689 (صحیح)

کون سا مومن زیادہ عقلمند ھے؟

بِسْمِ اللّٰهِ الرَّحْمٰنِ الرَّحِیْمِ

ایک نصاری صحابی ؓ آئے، انھوں نے نبی کریم ﷺ کو سلام کیا، پھر کہا: اللّٰه کے رسول ﷺ ! کون سا مومن افضل ہے؟ آپ ﷺ نے فرمایا: ’’جس کا اخلاق زیادہ اچھا ہو۔‘‘ انھوں نے کہا: کون سا مومن زیادہ عقل مند ہے؟ آپ ﷺ نے فرمایا:  جو موت کو زیادہ یاد کرتے ہیں اور اسکے بعد ( کے مراحل ) کے لیے زیادہ اچھی تیاری کرتے ہیں، یہی عقل مند ہے ہیں ۔

سنن ابنِ ماجہ 4259 (صحیح)

کسی بھی نیکی کو معمولی نہ سمجھو

بِسْمِ ﷲِ الرَّحْمٰنِ الرَّحِيْمِ

رَحْمَۃً لِّلْعَالَمِیْن رسولِ کریم ﷺ نے فرمایا:  نیکی کے کسی بھی کام کو معمولی مت سمجھو، خواہ تم اپنے بھائی کو خندہ پیشانی سے ملو ۔

مشکوٰۃ 1894

دیدار الٰہی کا بیان

بِسْمِ اللّٰهِ الرَّحْمٰنِ الرَّحِیْمِ

نبيِ رحمت ﷺ نے فرمایا: جب جنت والے جنت میں داخل ہوجائیں گے، ( اس وقت ) ﷲ تبارک و تعالٰی فرمائے گا تمہیں کوئی چیز چاہیے جو تمہیں مزید عطا کروں؟ Aوہ جواب دیں گے: کیا تونے ہمارے چہرے روشن نہیں کیے ! کیا تونے ہمیں جنت میں داخل نہیں کیا اور دوزخ سے نجات نہیں دی؟ آپ ﷺ نے فرمایا: چنانچہ اس پر ﷲﷻ پردہ اٹھا دے گا تو انہیں کوئی چیز ایسی عطا نہیں ہوئی ہوگی جو انہیں اپنے رب عزوجل کے دیدار سے زیادہ محبوب ہو۔ 

صحیح مسلم 449 (صحیح)

بائیں ہاتھ سے کھانے، پینے کی ممانعت

بِسْمِ اللّٰهِ الرَّحْمٰنِ الرَّحِیْمِ

ہمارے پیارے نبی حضرت محمد مصطفٰی ﷺ نے فرمایا: ”جب تم میں سے کوئی کھائے تو دائیں (سیدھے) ہاتھ سے کھائے اور دائیں ہاتھ سے پیئے، اس لیے کہ شیطان اپنے بائیں ( الٹے ) ہاتھ سے کھاتا ہے اور بائیں ہاتھ سے پیتا ہے“۔ 

جامع الترمذی 1800 (صحیح)

حق مہر زیادہ مقرر کرنے کی ممانعت

بِسْمِ اللّٰهِ الرَّحْمٰنِ الرَّحِیْمِ

حضرت عمر بن خطاب ؓ بیان کرتے ہیں، سن لو ! عورتوں کا حق مہر زیادہ مقرر نہ کرو ، کیونکہ وہ دنیا میں قابل عزت اور اللّٰه کے ہاں باعث تقوی ہوتا تو تمہاری نسبت اللّٰه کے نبی ﷺ اس کے زیادہ حق دار تھے ، میں نہیں جانتا کہ رسولِ کریم ﷺ نے ازواج مطہرات ؓ سے نکاح کیا ہو یا اپنی بیٹیوں کا نکاح کیا ہو تو آپ ﷺ نے بارہ اوقیہ (480 درہم) سے زیادہ حق مہر مقرر کیا ہو ۔

مشکوٰۃ 3204 (صحیح)

دُعا مانگنے کی اہمیت وفضیلت

بِسْمِ اللّٰهِ الرَّحْمٰنِ الرَّحِیْمِ

ہمارے پیارے نبی حضرت محمد مصطفٰی ﷺ نے فرمایا: جو ﷲﷻ سے سوال نہیں کرتا ﷲ تعالٰی اس سے ناراض اور ناخوش ہوتا ہے۔

جامع الترمذی 3373 (صحیح)

دُعا مانگنے کے آداب

بِسْمِ اللّٰهِ الرَّحْمٰنِ الرَّحِیْمِ

نبيِ رحمت ﷺ نے ایک شخص کو نماز کے اندر دُعا کرتے ہوئے سنا، اس نے نبی اکرمﷺ پر صلاۃ ( درود ) نہ بھیجا، نبی کریمﷺ نے فرمایا: ”اس نے جلدی کی“، پھر آپﷺ نے اسے بلایا، اور اس سے اور اسکے علاوہ دوسروں کو خطاب کرکے فرمایا: ”جب تم میں سے کوئی بھی نماز پڑھ چکے تو اسے چاہیئے کہ وہ پہلے ﷲﷻ کی حمد و ثنا بیان کرے، پھر نبیﷺ پر صلاۃ ( درود ) بھیجے، پھر اسکے بعد وہ جو چاہے دُعا مانگے“۔

جامع الترمذی 3477 (صحیح)

صدقہ وخیرات میں بہترین مال دو

بِسْمِ ﷲِ الرَّحْمٰنِ الرَّحِيْمِ

ایک دفعہ رَحْمَۃً لِّلْعَالَمِیْن رسولِ کریم ﷺ تشریف لائے، آپﷺ کے ہاتھ میں عصا تھا۔ کوئی شخص ( مسجد میں بطور صدقہ ) ردی قسم کی کھجور کا ایک خوشہ لٹکا گیا تھا۔ آپﷺ اس خوشے پر اپنی لاٹھی مارنے لگے اور فرمایا: اگر اس صدقے والا چاہتا تو اس سے اچھی کھجور کا صدقہ کرسکتا تھا۔ بلاشبہ اس قسم کا صدقہ کرنے والا قیامت کے دن ردی کھجوریں ہی کھائے گا۔

سنن النسائی 2495 (صحیح)

حجرِ اسود کے استلام کی فضیلت

بِسْمِ ﷲِ الرَّحْمٰنِ الرَّحِيْمِ

مُخبرِ صادق حضرت محمد مصطفٰی ﷺ نے حجر اسود کے بارے میں فرمایا: ﷲﷻ کی قسم ! ﷲ اسے قیامت کے دن اِس حال میں اٹھائے گا کہ اسکی دو آنکھیں ہوں گی، جس سے یہ دیکھے گا، ایک زبان ہوگی جس سے یہ بولے گا۔ اور یہ اس شخص کے ایمان کی گواہی دے گا جس نے حق کے ساتھ ( یعنی ایمان اور اجر کی نیت سے ) اس کا استلام (حجر اسود کو بوسہ دیا، ہاتھ سے چھوا یا اس کی طرف اشارہ ) کیا ہوگا۔

جامع الترمذی 961 (صحیح)

زبان کی حفاظت کرنے کا بیان

بِسْمِ ﷲِ الرَّحْمٰنِ الرَّحِيْمِ

صادق و امین رسولِ کریم ﷺ نے فرمایا: بندہ ایک بات زبان سے نکالتا ہے اور اس کے متعلق سوچتا نہیں ( کہ کتنی کفر اور بے ادبی کی بات ہے ) جس کی وجہ سے وہ دوزخ کے گڑھے میں اتنی دور گر پڑتا ہے جتنا پچھم (مشرق ) سے پورب (مغرب) دور ہے۔

صحیح البخاری 6477 (صحیح)

یتیم کی پرورش پر اجرت کا بیان

بِسْمِ ﷲِ الرَّحْمٰنِ الرَّحِيْمِ

ﷲﷻ کے ارشاد ” بلکہ جو شخص خوشحال ہو وہ اپنے کو بالکل روکے رکھے۔ البتہ جو شخص نادار ہو وہ واجبی طور پر کھا سکتا ہے۔“ کے بارے میں فرمایا کہ یہ آیت یتیم کے بارے میں اتری ہے کہ اگر ولی نادار ہو تو یتیم کی پرورش اور دیکھ بھال کی اجرت میں وہ واجبی طور پر ( یتیم کے مال میں سے کچھ ) کھا سکتا ہے ( بشرطیکہ نیت میں فساد نہ ہو) ۔

صحیح البخاری 4575 (صحیح)

صبح دیر تک سونے پر وعید

بِسْمِ ﷲِ الرَّحْمٰنِ الرَّحِيْمِ

نبی کریم ﷺ کے سامنے ایک شخص کا ذکر آیا کہ وہ صبح تک پڑا سوتا رہا اور فرض نماز کے لیے بھی نہیں اٹھا۔ اس پر آپ ﷺ نے فرمایا کہ شیطان نے اس کے کان میں پیشاب کر دیا ہے۔

صحیح البخاری 1144 (صحیح)

انسان کی خوش نصیبی کی علامت

بِسْمِ ﷲِ الرَّحْمٰنِ الرَّحِيْمِ

صادق و امین رسولِ کریم ﷺ نے ارشاد فرمایا: تین چیزیں ابن آدم کی سعادت مندی کی علامت ہیں اور تین چیزیں اس کی بدنصیبی کی علامت ہیں، ابن آدم کی خوش نصیبی تو یہ ہے کہ اسے نیک بیوی ملے، اچھی رہائش ملے اور عمدہ سواری ملے جبکہ اس کی بدنصیبی یہ ہے کہ اسے بُری بیوی ملے، بُری رہائش ملے اور بُری سواری ملے۔ 

مسند احمد 1445 (صحیح)

غیبت کرنے والوں کا انجام

بِسْمِ ﷲِ الرَّحْمٰنِ الرَّحِيْمِ

خَاتَمُ الْمُرْسَلین رسولِ کریم ﷺ نے فرمایا: جب مجھے معراج کرائی گئی تو میرا گزر ایک ایسی قوم پر ہوا جن کے ناخن تانبے کے تھے جو اپنے چہروں اور سینوں کو چھیل رہے تھے۔ میں نے پوچھا : اے جبریل ! یہ کون لوگ ہیں ؟ انہوں نے کہا : یہ وہ ہیں جو دوسرے لوگوں کا گوشت کھاتے(غیبت کرتے) اور ان کی عزتوں سے کھیلتے ہیں۔ 

سنن ابوداؤد 4878 (صحیح)

محفل کے آداب

بِسْمِ ﷲِ الرَّحْمٰنِ الرَّحِيْمِ

  

رَحْمَۃً لِّلْعَالَمِیْن رسولِ کریم ﷺ نے فرمایا: جب تم تین آدمی ایک ساتھ ہو، تو دو آدمی اپنے تیسرے ساتھی کو اکیلا چھوڑ کر باہم کانا پھوسی نہ کریں۔ یعنی تیسرے شخص کو چھوڑ کر دو سرگوشی نہ کریں کیونکہ اس سے اسے دکھ اور رنج ہوگا۔ 

جامع الترمذی 2825 (صحیح)

قبر کی تیاری کا بیان

بِسْمِ ﷲِ الرَّحْمٰنِ الرَّحِيْمِ

  

حضرت براء ؓ فرماتے ہیں کہ ہم ایک جنازے میں رسولِ کریم ﷺ کے ساتھ تھے۔ رسول اللہ ﷺ ایک قبر کے کنارے پر بیٹھ گئے اور اتنا روئے کہ مٹی تر ہو گئی، پھر فرمایا: بھائیو ! اس چیز ( قبر ) کے لیے تیاری کر لو۔

سنن ابن ماجہ 4195 (صحیح)

بہنوں اور بیٹیوں سے صلہ رحمی

بِسْمِ ﷲِ الرَّحْمٰنِ الرَّحِيْمِ

 

ہمارے پیارے نبی حضرت محمد مصطفٰی ﷺ نے فرمایا: جس کے پاس تین لڑکیاں، یا تین بہنیں، یا دو لڑکیاں، یا دو بہنیں ہوں اور وہ ان کے ساتھ اچھا سلوک کرے اور ان کے حقوق کے سلسلے میں ﷲﷻ سے ڈرے تو اس کے لیے جنت ہے

جامع الترمذی 1916(صحیح)

عشقِ نبیﷺ ایمان کی پہلی شرط ھے

بِسْمِ اللّٰهِ الرَّحْمٰنِ الرَّحِیْمِ

ہم نبی کریمﷺ کے ساتھ تھے اور آپ عمر بن خطاب ؓ کا ہاتھ پکڑے ہوئے تھے۔ حضرت عمر ؓ نے عرض کیا: یارسول اللہﷺ ! آپ مجھے ہر چیز سے زیادہ عزیز ہیں، سوا میری اپنی جان کے۔ نبی کریمﷺ نے فرمایا کہ نہیں، اس ذات کی قسم جس کے ہاتھ میں میری جان ہے( ایمان اس وقت تک مکمل نہیں ہو سکتا) جب تک میں تمہیں تمہاری اپنی جان سے بھی زیادہ عزیز نہ ہوجاؤں۔ حضرت عمر ؓ نے عرض کیا: پھر واللہ! اب آپﷺ مجھے میری اپنی جان سے بھی زیادہ عزیز ہیں۔ نبی کریم ﷺ نے فرمایا کہ ہاں، عمر ؓ! اب تیرا ایمان پورا ہوا۔

صحیح البخاری 6632 (صحیح)

(فِدَاکَ اَبِیْ وَ اُمِّیْ وَ رُوْحِیْ وَ نَفسِی وَ قَلْبِیْ یَا سَیِّدِیْ یَا رَسُوْلَ اللّٰهﷺ)

فرشتے اس گھر میں نہیں جاتے

بِسْمِ ﷲِ الرَّحْمٰنِ الرَّحِيْمِ

حضرت علی ؓ بیان کرتے ہیں، رسولِ کریم ﷺ نے فرمایا: جس گھر میں تصویر، کتا اور جنبی ہوں وہاں (رحمت و برکت کے) فرشتے نہیں جاتے۔

مشکوٰۃ 463 (صحیح)

نیک لوگوں کا اللّٰہ کے یہاں مقام

بِسْمِ ﷲِ الرَّحْمٰنِ الرَّحِيْمِ

نبی کریم ﷺ نے فرمایا: میں تمہیں بہشتی آدمی کے متعلق نہ بتادوں۔ وہ دیکھنے میں کمزور ناتواں ہوتا ہے ( لیکن اللہ کے یہاں اس کا مرتبہ یہ ہے کہ ) اگر کسی بات پر اللہ کی قسم کھالے تو اللہ اسے ضرور پوری کر دیتا ہے اور کیا میں تمہیں دوزخ والوں کے متعلق نہ بتا دوں ہر بدخو( بد اخلاق)، بھاری جسم والا اور تکبر کرنے والا۔

صحیح البخاری 4918 (صحیح)

مسنون و مقبول دُعا

بِسْمِ ﷲِ الرَّحْمٰنِ الرَّحِيْمِ

صادق و امین رسولِ کریم ﷺ فجر کی نماز کے بعد یہ دُعا کیا کرتے تھے:

للَّهُمَّ إِنِّي أَسْأَلُكَ عِلْمًا نَافِعًا وَعَمَلًا مُتَقَبَّلًا وَرِزْقًا طَيِّبًا

’’ اے اللہ ! میں تجھ سے نفع بخش علم، مقبول عمل اور حلال رزق کا سوال کرتا ہوں۔‘‘

مشکوٰۃ 2498 (صحیح)

نفلی صدقہ کی ترغیب و فضیلت

بِسْمِ اللّٰهِ الرَّحْمٰنِ الرَّحِیم

اِمامُ المرسلین حضرت محمد مصطفٰی ﷺ نے فرمایا: تم میں سے جو کوئی آگ سے بچنے کی طاقت رکھتا ہے تو وہ صدقہ کرے، خواہ وہ کھجور کے ایک حصے کی صورت میں ہی کیوں نہ ہو اور جسے وہ بھی نہ ملے تو اچھی بات کے ذریعے (جہنم سے بچنے کی کوشش کرے)۔

مسند احمد 3576 (صحیح)

حُسنِ سلوک کی اہمیت وفضیلت

بِسْمِ اللّٰهِ الرَّحْمٰنِ الرَّحِیْمِ

رَحْمَۃً لِّلْعَالَمِیْن رسولِ کریم ﷺ نے فرمایا: ایک مسلمان دوسرے مسلمان کا بھائی ہے، پس اس پر ظلم نہ کرے اور نہ ظلم ہونے دے۔ جو شخص اپنے بھائی کی ضرورت پوری کرے، ﷲﷻ اسکی ضرورت پوری کرے گا۔ جو شخص کسی مسلمان کی ایک مصیبت کو دور کرے، اللّٰہ تعالٰی اسکی قیامت کی مصیبتوں میں سے ایک بڑی مصیبت کو دور فرمائے گا۔ اور جو شخص کسی مسلمان کے عیب کو چھپائے اللہ تعالٰی قیامت میں اسکے عیب چھپائے گا۔

صحیح البخاری 2442 (صحیح)

نماز فجر سے اشراق تک ذِکر کی فضیلت

بِسْمِ اللّٰهِ الرَّحْمٰنِ الرَّحِیْمِ

صادق و امین رسولِ کریم‌ ﷺ نے فرمایا: ”جس نے نمازِ فجر جماعت سے پڑھی پھر بیٹھ کر ﷲﷻ کا ذکر کرتا رہا یہاں تک کہ سورج نکل گیا، پھر اس نے دو رکعتیں پڑھیں، تو اسے ایک حج اور ایک عمرے کا ثواب ملے گا“۔ رسولِ کریم ﷺ نے فرمایا: ”پورا، پورا، پورا، یعنی حج و عمرے کا پورا ثواب“۔

جامع الترمذی 586 (صحیح)

محفل/ مجلس کا کفارہ

بِسْمِ اللّٰهِ الرَّحْمٰنِ الرَّحِیْمِ

رسولِ کریم ﷺ نے فرمایا: جو شخص کسی مجلس میں بیٹھے اور اسکی بے مقصد اور بے ہودہ باتیں زیادہ ہوجائیں اور پھر وہ اٹھنے سے پہلے یہ دُعا: سُبْحَانَكَ اللَّهُمَّ وَبِحَمْدِكَ أَشْهَدُ أَنْ لَا إِلَهَ إِلَّا أَنْتَ أَسْتَغْفِرُكَ وَأَتُوبُ إِلَيْكَ ۔ پڑھتا ہے تو اسکی اس مجلس میں ہونے والی خطائیں معاف کردی جاتی ہیں۔

مشکوٰۃ 2433 (صحیح)

دین میں رائے وقیاس سے اجتناب کرو

بِسْمِ ﷲِ الرَّحْمٰنِ الرَّحِيْمِ.

صادق و امین رسولِ کریم ﷺ نے فرمایا: جس شخص کو بغیر دلیل کے فتویٰ دیا گیا ( اور اس نے اس غلط فتویٰ پر عمل کرلیا ) تو اس کا گناہ اس پر ہے جس نے اسے فتویٰ دیا۔

سنن ابنِ ماجہ 53 (صحیح)

بندوں پر اللّٰہ کی رحمت کا بیان

بِسْمِ ﷲِ الرَّحْمٰنِ الرَّحِيْمِ.

 رسولِ کریمﷺ نے فرمایا: ﷲﷻ کہتا ہے: اے آدم کے بیٹے! جب تک تو مجھ سے دعائیں کرتا رہےگا اور مجھ سے اپنی امیدیں اور توقعات وابستہ رکھے گا میں تجھے بخشتا رہوں گا، چاہے تیرے گناہ کسی بھی درجے پر پہنچے ہوئے ہوں، مجھے کسی بات کی پرواہ و ڈر نہیں ہے، اے آدم کے بیٹے! اگر تیرے گناہ آسمان کو چھونے لگیں پھر تو مجھ سے مغفرت طلب کرنے لگے تو میں تجھے بخش دوں گا اور مجھے کسی بات کی پرواہ نہ ہوگی۔ اے آدم کے بیٹے! اگر تو زمین برابر بھی گناہ کر بیٹھے اور پھر مجھ سے (مغفرت طلب کرنے کے لیے) ملے لیکن میرے ساتھ کسی طرح کا شرک نہ کیا ہو تو میں تیرے پاس اسکے برابر مغفرت لے کر آؤں گا (اور تجھے بخش دوں گا)۔

جامع الترمذی 3540 (صحیح)

ﷲﷻ کی رحمت سے محروم شخص

بِسْمِ ﷲِ الرَّحْمٰنِ الرَّحِيْمِ.

مُخبرِ صادق حضرت محمد مصطفٰی ﷺ نے فرمایا: تین شخص ایسے ہیں کہ ﷲﷻ قیامت کے دن ان کو ( نظر رحمت و محبت سے ) نہیں دیکھے گا، اور نہ ان کو پاک کرے گا اور ان کے لیے تکلیف دہ عذاب ہوگا۔ وہ شخص جو اپنے عطیے پر احسان جتلاتا ہے۔ جو شخص اپنا تہبند (تکبر سے ) لٹکاتا ہے اور جو شخص جھوٹ بول کر اپنا سامان بیچتا ہے۔

سنن النسائی 4464 (صحیح)

فقراء و مساکین کی خبر گیری کرتے رہو

بِسْمِ ﷲِ الرَّحْمٰنِ الرَّحِيْمِ.

ایک صحابی ؓ نے نبی اکرم صلی اللہ علیہ وسلم کو فرماتے سنا: مجھے اپنے ضعیفوں اور کمزوروں میں تلاش کرو، اس لیے کہ تم اپنے ضعیفوں اور کمزوروں کی ( دعاؤں کی برکت کی) وجہ سے رزق دیئے جاتے ہو اور تمہاری مدد کی جاتی ہے۔ 

مشکوٰۃ 5246 (صحیح)

باجماعت نماز کی اہمیت وفضیلت

بِسْمِ ﷲِ الرَّحْمٰنِ الرَّحِيْمِ.

 رسول کریم ﷺ نے فرمایا  اگر لوگوں کو معلوم ہوتا کہ اذان اور صف اول میں کتنا ثواب ہے اور پھر ( انہیں اس کے حاصل کرنے کے لیے ) قرعہ اندازی کرنی پڑتی، تو وہ قرعہ اندازی بھی کرتے اور اگر انہیں معلوم ہوجائے کہ نماز سویرے پڑھنے میں کتنا ثواب ہے تو لوگ ایک دوسرے سے سبقت کرنے لگیں اور اگر انہیں معلوم ہوجائے کہ عشاء اور صبح کی کتنی فضیلتیں ہیں تو اگر گھٹنوں کے بل آنا پڑتا تو پھر بھی آتے۔

صحیح البخاری 2689 (صحیح)

پہلی صف میں نماز کا اجر وثواب

بِسْمِ ﷲِ الرَّحْمٰنِ الرَّحِيْمِ.

صادق و امین رسولِ کریم ﷺ نے ارشاد فرمایا: صف اول کے لوگوں پر ﷲﷻ نزولِ رحمت اور فرشتے دعائےِ رحمت کرتے رہتے ہیں۔

مسند احمد 18849 (صحیح)

جمعہ کو قبولیتِ دُعا کی گھڑی

بِسْمِ ﷲِ الرَّحْمٰنِ الرَّحِيْمِ.

ہمارے پیارے نبی حضرت محمد مصطفٰیﷺ نے فرمایا: ”جمعہ کے روز اس گھڑی کو جس میں دُعا کی قبولیت کی اُمید کی جاتی ہے عصر سے لے کر سورج ڈوبنے تک کے درمیان تلاش کرو“۔

جامع الترمذی 489 (صحیح)

اسلام میں نکاح کے لیے رہنمائی

بِسْمِ اللّٰهِ الرَّحْمٰنِ الرَّحِیْمِ

رَحْمَۃً لِّلْعَالَمِیْن رسولِ کریم ﷺ نے فرمایا: عورت سے نکاح چار چیزوں کی بنیاد پر کیا جاتا ہے۔ اسکے مال کی وجہ سے یا اسکے خاندانی شرف کی وجہ سے یا اسکی خوبصورتی کی وجہ سے یا اسکے دین کی وجہ سے، اور تو دیندار عورت سے نکاح کرکے کامیابی حاصل کر، اگر ایسا نہ کرے تو تیرے ہاتھوں کو مٹی لگے گی ( یعنی اخیر میں تجھ کو ندامت ہو گی ) ۔

صحیح البخاری 5090 (صحیح)

ہر وقت ذکرِ الٰہی کرنے کی فضیلت

بِسْمِ اللّٰهِ الرَّحْمٰنِ الرَّحِیْمِ

دو دیہاتی نبی کریم ﷺ کی خدمت میں حاضر ہوئے اور ان میں سے ایک نے پوچھا اے محمد ! ﷺ سب سے بہترین آدمی کون ہے ؟ نبی اکرم ﷺ نے فرمایا: جس کی عمر لمبی ہو اور اس کا عمل اچھا ہو، دوسرے نے کہا کہ احکامِ اسلام تو بہت زیادہ ہیں، کوئی ایسی جامع بات بتا دیجئے جسے ہم مضبوطی سے تھام لیں؟ نبی رحمت ﷺ نے فرمایا تمہاری زبان ہر وقت ذکرِ الٰہی سے تر رہے۔

مسند احمد 17832 (صحیح)

جادو کرنا یا کرانا تباہ کر دیتا ہے

بِسْمِ اللّٰهِ الرَّحْمٰنِ الرَّحِیْمِ

رَحْمَۃً لِّلْعَالَمِیْن رسولِ کریم ﷺ نے فرمایا:  تباہ کر دینے والی چیز ﷲﷻ کے ساتھ شرک کرنا ہے اس سے بچو اور جادو کرنے کرانے سے بھی بچو۔

صحیح البخاری 5764 (صحیح)

نیکی واحسان کرنے کا شکریہ ادا کرو

بِسْمِ اللّٰهِ الرَّحْمٰنِ الرَّحِیْمِ

صادق و امین رسولِ کریم ﷺ نے فرمایا:  جو شخص لوگوں کا شکریہ ادا نہیں کرتا ‘ وہ ﷲﷻ کا بھی شکر گزار نہیں ہوتا۔

سنن ابوداؤد 4811 (صحیح)

سونے سے پہلے مسنون عمل

بِسْمِ ﷲِ الرَّحْمٰنِ الرَّحِيْمِ

جب نبی کریم ﷺ اپنے بستر پر آرام کرتے تو آپ ﷺ ہر رات اپنے دونوں ہاتھ اکٹھے کرتے، پھر سورۂ اخلاص، سورۂ فلق اور سورۂ ناس پڑھ کر ہاتھوں پر پھونک مارتے، پھر جہاں تک ممکن ہوتا انہیں اپنے جسم پر پھیرتے، آپ ﷺ اپنے سر، چہرے اور اپنے جسم کے اگلے حصے پر ہاتھ پھیرتے اور آپ تین مرتبہ ایسا کرتے۔

مشکوٰۃ 2132 (صحیح)

مسجد اور جماعت کے احکام

بِسْمِ ﷲِ الرَّحْمٰنِ الرَّحِيْمِ

مُخبرِ صادق حضرت محمد مصطفٰی ﷺ نے فرمایا : اندھیروں میں مسجدوں کی طرف زیادہ چلنے والوں کو قیامت کے دن مکمل نور کے حصول کی خوشخبری دے دو۔

سنن ابنِ ماجہ 781 (صحیح)

نمازِ جمعہ میں جلدی کرو

بِسْمِ اللَّهِ الرَّحْمَنِ الرَّحِيم

خَاتَمُ الْمُرْسَلین رسولِ کریم ﷺ نے فرمایا: جب جمعہ کا دن آتا ہے تو فرشتے جامع مسجد کے دروازے پر آنے والوں کے نام لکھتے ہیں، سب سے پہلے آنے والا اونٹ کی قربانی دینے والے کی طرح لکھا جاتا ہے۔ اس کے بعد آنے والا گائے کی قربانی دینے والے کی طرح پھر مینڈھے کی قربانی کا ثواب رہتا ہے۔ اس کے بعد مرغی کا، اس کے بعد انڈے کا۔ لیکن جب امام ( خطبہ دینے کے لیے ) باہر آجاتا ہے تو یہ فرشتے اپنے دفاتر بند کر دیتے ہیں اور خطبہ سننے میں مشغول ہوجاتے ہیں۔

صحیح البخاری 929 (صحیح)

داہنے جانب سے ابتداء کرنے کی فضیلت

بِسْمِ ﷲِ الرَّحْمٰنِ الرَّحِيْمِ

 ہمارے پیارے نبی حضرت محمد مصطفٰی ﷺ جوتا پہننے، کنگھی کرنے، وضو کرنے اور اپنے ہر کام میں داہنی طرف سے کام کی ابتداء کرنے کو پسند فرمایا کرتے تھے۔

صحیح البخاری 168 (صحیح)

اسلامی اخلاق و آداب

بِسْمِ ﷲِ الرَّحْمٰنِ الرَّحِيْمِ

صادق و امین رسولِ کریم ﷺ نے فرمایا:  مشیر جس سے مشورہ لیا جاتا ہے اس کو امانت دار ہونا چاہیئے۔

جامع الترمذی 2822 (صحیح)

مومن پر لعنت بھیجنے کی ممانعت

بِسْمِ ﷲِ الرَّحْمٰنِ الرَّحِيْمِ

 جس نے اسلام کے سوا کسی اور مذہب کی جھوٹ موٹ قسم کھائی تو وہ ویسا ہی ہوجاتا ہے جسکی اس نے قسم کھائی ہے۔ جس نے کسی چیز سے خودکشی کرلی تو اسے جہنم میں اسی سے عذاب دیا جائے گا اور مومن پر لعنت بھیجنا اسے قتل کرنے کے برابر ہے اور جس نے کسی مومن پر کفر کی تہمت لگائی تو یہ اسکے قتل کے برابر ہے۔

صحیح البخاری 6105 (صحیح)

توبہ کرنے میں دیر مت کرو

بِسْمِ ﷲِ الرَّحْمٰنِ الرَّحِيْمِ

مخبرِ صادق حضرت محمد مصطفٰی ﷺ نے فرمایا: ’’جب مومن کوئی گناہ کرتا ہے تو اس کے دل پر ایک سیاہ نقطہ لگ جاتا ہے۔ اگر وہ توبہ کرلے، باز آجائے اور ( ﷲﷻ سے ) بخشش کی درخواست کرے تو اس کا دل صاف ہوجاتا ہے۔ اگر مزید گناہ کرے تو سیاہی کا نقطہ زیادہ ہوجاتا ہے ( حتیٰ کہ ہوتے ہوتے دل بالکل سیاہ ہوجاتا ہے۔)

سنن ابنِ ماجہ 4244 (صحیح)